بسم الله الرحمن الرحيم
1 لاعـاد يومـاً فيـه مريـت لاعـاد
شفت المكان اللي بكتنـي ارسومـه
2 فهمت منطوقه وهـو ضلـع وجمـاد
اعطيتـه الذكـرى وبانـت علومـه
3 واقول يارجـم العنـى جيـت نشـاد
احذر تجي بينـي وبينـك خصومـه
4 من جا حجـا ضلعـك تعنـا ولافـاد
يجـي ويرجـع مايحصـل لزومـه
5 مابيـن مسيـود الاوادم والاسـيـاد
يبقـا مـع الواقـع عبـورٍ قدومـه
6 من سيـرة الاول للتاريـخ الاحفـاد
يرجي مـن الحاضـر بقايااحلومـه
7 قال انت من جملة هل القاف والضاد
لاتشتكـي مثلـك عرفنـا اهمومـه
8 حصلـت بالايـام ضيقـات وجهـاد
والحر يلعب فيـك لاهـب سمومـه
9 حياتنـا بنعـام وافـراح واعـيـاد
تبي الصراحه عيش عـز ونعومـه
10 ولوزعزعت لاوضاع ياهيه ويش عاد
يندب لها من يذكـر امجـاد قومـه
11 قلت الرجا باللي لـه النـاس عبـاد
له يصرف المسلم صلاتـه وصومـه
12 لاصـار بـالايـام صــادر ووراد
وغطا السما الصافي عجاج وعسومه
13 كن المصايـب عندنـا بـن وقنـاد
تجلي عمس راسه وتقوى عزومـه
14 حنا هـل التاريـخ الاول والامجـاد
مجـدٍ تعـلا بالكـواكـب نـرومـه
15 والله لو جيتـو اجماعـات وافـراد
لاروعـت مثلـك سمايـل اهدومـه
16 اثر البشر صنفين مؤمـن وحسـاد
وجو السماصافـي وبانـت انجومـه
17 وانا لقيت الحلـم مـن دون ميعـاد
وعشته وعايشتـه بمدحـه ولومـه
عبدالله الدوسري
عز الله كفيت ووفيت ما أدري كيفلا أختار منها كلها اعجبتني
دمت بخير
|