الي اعرفه ان القصيده هذي لشاعر مبارك بن بخيت السبيعي وهو رجل اسمر البشره وقصتها كالتالي
في عام 1395هـ كان في المنطقة الغربية قرية أسمها بحرة وفي معسكر تبع الحرس الوطني
في أم السلم وساكن متأهل في بحرة ,فيها فوج أبن قويد وفوج لأبن عبود القحطاني ,أفواج جهاد
وآخر الشهر يجون يستلمون الرواتب وأهل المورات يجون من بيشه ورنيه والخرمه ,
وفي يوم من الايام جاء ربع من جماعتة وسوى لهم عشاء وجوا ربع آخرين ولابعد تعشو
سندهم على العشاء الموجود وقال لهم الله يحييكم على عشاء آل فلان وأنتم واجبكم في الطريق
وقام أتحالف بينهم وحلفوا وقالوا عشاءنا واحد وخلاص .
وبعد ما تعشو عنده . شب النار وقام يسوي القهوه ,قامو ربعه يهاوشونه يقولون أنت عبد خبل
أنت ما أنت بحاتم الطائي ولا إبن مهيد ,جالس على درب أهل المورات وعلى درب أهل الجهاد وكل ماجاك
واحد عزمته ,بكرة الحرس بيفصلونك ولا يقاعدونك وأنت عندك حرمتين وعندك عيال وعندك وعندك
يعني هواشهم هواش محنيه ومحبه ,وهو جالس يسوي القهوة ويوم جاء يحط البهار حطه في براد
الشاهي , ,قالوا أنت خربت القهوة يالبخيّت ,ويوم ناظر إلينهم صادقين ,قال أنتم أللي خربتوها
لكن حطوا عندها واحد عنده عقل ,ويوم راحوا من عنده قال هذه القصيد:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ســجه مــع الــهاجــوس طــبيــعة ٍ لــي=طــبيــعةٍ بــامـوت مـاجـزت عـنهـا
أشـكي عـلى الـخلاق وارفـع لـه يدي=لاكـــثرت الأفـــكار يـــفك مـــنهــا
أمــا الــكرم قــد فــاز بــه حـاتـم الـطي=حتى الفرس من شان ضيفه طعنها
خــلقــت فـي الـدنـيا وانـا مـامـعي شـي=وبـروح مـنهـا مـامـعي شـي مـنهـا
خــلونــي استانس بها حدني حي =لامــت مـدري جـثتـي مـن دفـنهـا
مـسكـين يـالـلي تحسب الواجد شوي =والــعافـيه لـو تـنشـرى وش ثـمنـها
يــاجــاهــل الــدنــيا تــراهــا كـما الـفي=يــامـخبـل الـلي فـي حـياتـه ومـنهـا
إن نـاحـرت لـك قـامـت تـروح وتـجي=مـثل الـذلـول الـلي طـويـلٍ رسـنهـا
وإن دبــرت خــلتــك طــايـح ومـرمـي=وكــم واحـد ٍ لـه حـاجةٍ مـاضـمنـها
لابــد مــانــرحــل عــن الـمزح والـغي=ونــسكــن بــيتٍ قـبلـنا مـن سـكنـها
الـنفـس مـثل الغصن عايش على الري=ولـولاه كـل الـناس عـافـت وطـنهـا
يالله عسى الحسنات تقضي على السي=لاقـــربــوا لــلنــفس ذرعة كــفنــها[/poem]
|