السلام عليكم ورحمة الله وبركاته


اعتذر عن غيابي , واضع لكم هذه المتواضعه عسى ان تنال على رضاكم



للأستماع للقصيدة بالصوت
[media]http://www.kidney-ksa.com/Fahad.mp3[/media]

لحفظ القصيده بالصوت اضغط هنا حفظ الهدف بإسم



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلبي ارحمني ولا تعشق الياس = ذبحتني واللي ذبحني عنادي
إنسان انا مثلي مثل باقي الناس = ياخي أبي ارتاح حزة رقادي
أتعبتني ولكل الأشياء مقياس = وانا انسحب مادام فيها تمادي
ياليتني عايش بلا قلب وإحساس ! = ولا أحس إني كذا شي عادي !
تقتلني أوجاعي وانا آقول لاباس = وتخنقني الوحده وانا في بلادي !
تحشرجت في داخل الصدر الأنفاس = وصار الغلا والحب كبوة جوادي !
من كثر طيبي صرت في يدينهم كاس != لاصار فاضي ماانحمل بالايادي !
بنيت من نفسي لهم مسند وساس != ولا أحد لبى الندى يوم أنادي !
خسرت ؟ ياما بس ما انّزل الراس = تبقى المبادي في حياتي مبادي
عطيت ؟ ياما بس لا يمكن انداس = هذا البحر ينهاب لو كان هادي
نفسي عزيزه والقناعات نبراس = وصدري كتاب ابيض ولا هو رمادي
مؤمن لو إن الضيق والهم وسواس = واتعب وأقدم للحلال اجتهـادي
كني جذع ! واقدار عمري هي الفاس = تضرب على حلمي وتقطع مرادي [/poem]
[align=center]فهد بن صنهات الديحاني[/align]



.

fahadaldehani@windowslive.com