في ليلة اشواق مشهـودة
مروا على الجوف طرقيّة
جوف الكرم فايح عـوده
بالجـود مخضـرّ واديّـه
ناسه على الطيب محسودة
يدعون بالطيـب ماريّـة
ازكى سلامي لاهل فـودة
والراجحـة والدغيمـيّـة
وتحيـة غيـر معـدودة
لشهيل واهـل الكداديّـة
مقدارهم عنـدي بـزوده
رغم البطا جمرتـه حيّـه
يا ليت الاعمار ممـدودة
والناس تبقى هيـه هيّـه
ما يبلغ المرء مقصـوده
والعمر من روحة لضيّـه
يسترفع العـذر منقـوده
" هادي " عشير السنافيّـة
مريت من غيـر مـاروده
من ضيق وقتي وحاضيّه
إن سلّـم العبـد معبـوده
" بن عسكر " لازم جيّـه
لاهنت يامحمد السالم
قصيده في اناس يستاهلون
وأنا قط سكنت بالقرب من ذاك وواجهت الحفاوه وحسن الصداقه
دمت بخير
|