احيان يـوم القـاف يطلـق سراحـه
يجيـه مـدري وش يجيـه ويعيقـه
كنت استلذ الغوص واهوى السباحـه
واطب فـي قـاع البحـور العميقـه
واليوم مارس ضيق صـدري وقاحـه
القـاف شيّـب والمساحـه طليـقـه
ماكنـى الا مـن يـجـر النيـاحـه
قدام عينـه.. شـاف موتـة رفيقـه
او فـارس تمـلا الكنانـه رمـاحـه
والموت ابن عمـه واخـوه وشقيقـه
وترجـل الفـارس ووطـي سلاحـه
ماكلـف الله نفـس مــالا تطيـقـه
مدرى عن الهاجوس نامـت جراحـه
والا فقـد روحـه ولمعـة بريـقـه
وقلب البنادم حيـن يخفـض جناحـه
يرمي بشرهات العـرب فـي حريقـه
وانتى بلا موعد وفي وسـط ساحـه
تمـر فيهـا اصنـاف كـل الخليقـه
شفتـك وقلبـي تـم منـك اجتياحـه
فـي فتـرة ٍ ماكملـت لـو دقيـقـه
حسيت في شوفـك بنشـوه وراحـه
يا انتـى جميلـه فالحضـور وانيقـه
من شاف حسنك صعب يكبح جماحـه
الزيـن وافـي والملامـس رقيـقـه
جيتى وضاقـت بالهمـوم المساحـه
والحزن اخـذ حالـه وراح بطريقـه
كنـك نهـار دوب شعشـع صباحـه
تصدح عصافيـره وشمسـه مويقـه
وياهل ترى؟ ..وابغي الجواب بصراحه
انتـى سـراب وحلـم والا حقيـقـه
محمد السليس
لم أمل من قراءة هذه القصيده
دمت بخير
|