بسم الله الرحمن الرحيم


بعد طول غياب عدنا وتقبلوا هذه المتوااضعه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أنت يلي من حكي الناس وش فيك أمغبون=البشر لاضقت منها تزيد طعونها

ولاتحاول ترضي الناس وتقول اش تبون؟=غايتن لو تجهد النفس تقصر دونها

وإن جلست فمجلس الزور واللي يكذبون=لايغرك كثرت الزاد فوق اصحونها

إن جلست فمجلس الزور تقفاك الطعون=وإن حكيت بكلمة الحق مايرضونها

وأنتبه عثرت خويك يليه الأقربون=إنك تبين للأجناب وش مضمونها

صاحبك ..وعيال عمك ..وربعك ..يكرمون=قدرهم لو بعت الأشناب لجل عيونها

لوجفاهم زادهم بعد في الفزعه يجون=وقفتن يبقى صداها ولا ينسونها

خذ كلامي يامحمد وهونها تهون=كم تجرعت المراره وذقت اغبونها

التجارب اشعرتني بما لا يشعرون=والمصايب درستني وانا ممنونها

لبن صرت اعلم الناس كيف يرتبون= الجروح .....وكيف الآلام مايسلونها؟؟؟

عيش جرحك ..... وأنت راضي تلذذ بالشجون =النفوس احيان تحتاج عمق شجونها

الصباح يعلم الناس كيف يقدرون=مافضح ستر الليالي ومن يسرونها

والليالي لو فضح سترها نور العيون=كان شفنا عاقل الناس من مجنونها

آآآآه يامقسى نجاحي على اللي يكرهون=وآآآآه يامحلى بيوتي على مفتونها

اييييييه ياكثر المشاريه واللي يشرهون=وناس لاقلنا قصيده تقوم اقروناها

ماعلينا دام في الناس ناسن يعشقون=والقصيده قبل لاقولها يقرونها

مازعلنا والنهايات للي ياصلون=خل ناسن من ورانا تسن سنونها

إن حكيت اعلم الناس مالا يعلمون=وإن كتبت الخص القول في مضمونها

وإن بغيت أنزه النفس عما يصفون=الثقه تطغى على شكها واظنونها

الشيوخ اليا تحاكوا بكلمه ينثنون؟؟؟=كلمه وعجزوا ملايين مايثنوناها

وانا شيخن من شيوخ الشعر لا يجحدون=والفعايل تبطي الناس مايمحونها

كل ماعديت رجم المعالي يزعلون=الله يكفاني غثى الناس وشر عيونها

ولاتحاول ترضي الناس وتقول اش تبون؟=غايتن لو تجهد النفس تقصر دونها
[/poem]

تفضلوا بزيارة موقعي http://www.fahad-sh.com/vb/index.php