03-01-2010, 10:14 AM
|
#462
|
|
مستشار إداري
|
بيانات اضافيه [
+
]
|
|
رقم العضوية : 1920
|
|
تاريخ التسجيل : Nov 2008
|
|
أخر زيارة : 12-05-2020 (10:29 PM)
|
|
المشاركات :
17,650 [
+
] |
|
زيارات الملف الشخصي : 58194
|
|
الدولهـ
|
|
|
لوني المفضل : Brown
|
|
[blink]الإبداع يفرض نفسه [/blink]
محمد بن مصوّي :
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا صاحبـي سـداح=والناس بالناس مطيـوره
يا الشاعر المبدع السباح=مثل القمر لا بـدا نـوره
قلت القصيده وسدي بـاح=وشاطي التعب عفت بلوره
لاني بكـاذب ولا مـزاح=مير المرض عفت دكتوره
بحر القصيده عليه اشباح=والشعر ما فاضت بحـوره
قضيـة القفـل والمفتـاح=بيدين جاهـل ومغـروره
واللي يحول على الملواح=يمكن يحـول علـى زوره
شبه الجزيره بدون ارواح=والعام ماهـي بمهجـوره
وحنا ترانا قصور افـراح=دايـم معازيـب مقهـوره
نبكي ونضحك كما التمساح=ونقـدم ايمـان بـلـوره [/poem]
ردّ سدّاح :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حييّت ما غـرّد ومـا نـاح=طير ٍ رفـع راس دنقـوره
ينفض جناح .. ويهزّ جناح=ويكفخ على رايه وشـوره
ترحيبة ٍ والقلـوب صحـاح=تنصاك بالصوت والصـوره
مسرور من قافك ومرتـاح=وهجوسي العوب مسـروره
أنا أشهد أنّك بعيـد أشبـاح=والنـاس كـل ٍ ومنظـوره
يا بن مصوّي بدون إيضـاح=نشرات الأخبـار مخبـوره
أثر السبب نسبـة الامـلاح=يوم البحر فاض عن طـوره
الشيخ ابو مشلح ومسبـاح=من علّمـه يلعـب الكـوره
وقّف وشدّ الحـزام وطـاح=وأزرى يعبرّ عـن شعـوره
وين أنت يا الراعي المصلاح=اللي مساعيـك مشكـوره
النار لو تعـرف الإنصـاح=ما شيّبـت راس تنـوره ! [/poem]
صدى بن مصوّي :
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البحر يطفح عليه الـواح=ما عاد يشتـال بابـوره
لان الحقيقه غدت مصباح=طافي وعايش بديجـوره
ذنب الحديقه على الفلاح=غشيم وارياه مخطـوره
قام وزرع فالبلـد تفـاح=ورمى على الناس بندوره
يعيش من يجمع الارباح=وارباح الاجواد مخشوره
طلال يطرد ورى مـداح=والمدح كله لابـو نـوره [/poem]
ردّ سدّاح :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضابط مرابط ومعك سـلاح=وتنـادي الشعـب للثـوره
والشعب وسط الشوارع راح=يهتف على حسب مقـدوره
واللي يزيد الصياح صيـاح=ينشـب لسانـه بحنجـوره
وين الحكومه عن الإصلاح=أخطت ولا هيـب معـذوره
قامت تدربي حصـاة رزاح=وتآخـذ بهـا لفّـه و دوره
لاهنت يا كاسـب الامـداح=بعض المواضيع محظـوره
مدام برق الحيـاء مـا لاح=الارض ماهيـب ممطـوره [/poem]
|
|
|
|