للمبدع \ فهد بن فلاح
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري وش للي لاتضايقت يشفيك = رفيقك للي فى المواقف سنافي
وتدري وش اكبر هم لاجاك ناصيك = ليا جاك محتاج ومصيبه خلافي
ليا صار يطلب ونت تقرع مخابيك = ودك بعلم الطيب والوقت جافي
ودك ودك مار وقتك مجافيك = يلحقك برده لو عليك لحافي
كن الدهر من بدت الناس ناويك = وكل السنين للي تمرك عجافي
لاكن لاتشكي على غير واليك = ثم الرفيق للي على طول وافي
وعلى الصديق للي يحبك ويغليك = وباق العرب قله عساك متعافي
وليا مشيت اعرف وثمن مماشيك = واحذر تسج اقدام رجلك لهافي
يفرح عليك ولايقدر خطاويك = ويعقد حجاجينه ليا جيت لافي
مد النظر قدام واحفظ مباديك = بعيد نظره لاتلفت خلافي
عليك بلي لاتضايقت يشفيك = يضحك حجاجه فى المواقف سنافي [/poem]
|