السلام عليكم ورحمة الله وبركاته

هذه ِ القصيده بمناسبة الحفل الذي اقامه الأخ / فهد بن عبدالله الهندي الخالدي اثناء مشاركته بمزاين أم رقيبه لهذا العام 2010م ولقد القيتها من ضمن احياء امسية شعريه وكنت احد الشعراء المشاركين .

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,4,gray" type=2 line=0 align=center use=ex num="0,black""]
جينا على دعوة طريين الافعال=اللي لهم بالمجد جوله وصوله
خوالد ٍ تعرف ليا غبر الّلال=ياسعد منهو حزة الضيق حوله
تاريخهم بالعز اول وُمازال=ماني باقوله غير كل ٍ يقوله
أهل الكرم يوم العرب حالهم حال=واهل الشيّم واهل الوفا .. والرجوله
فهد يمثلهم على راس ماطال=في مزاين ابل ٍ كلهم وجهوله
فهد كفو .. مثل الجمل للحمل شال=في مجلس ٍ روس النشاما عنوله
واخوانه الوافين مضرب للامثال=من راس بن هندي عريب الحموله
يستاهل العليا على كل منوال=قرم ٍ على الطولات يتعب ذلوله
شارك عسى ربي يزيّن له الفال=بسود ٍ سوات الليل لارخى سدوله
ذود ٍ غوالي كلها خيار وجلال=يستاهل الاول ودرع البطوله
الله يوفق طيّب الجد والخال=ومن الفرح كل العرب باركوله
قاله ابن عسكر من الجال للجال=من لابة ٍ تاخذ على الطيب جوله
هواجر ٍ ترد الخطر يوم الاهوال=وشهودها الأجواد من كل دوله
صلاة ربي عد ماهل همال=على نبي الله محمد رسوله
[/poem]وسلامتكم