منتديات المرقاب الأدبية - عرض مشاركة واحدة

16-01-2010, 01:56 AM

sms

الوارد :
حسين عزام
[poem=font="Traditional Arabic,4,black,bold,normal" bkcolor="transparent" bkimage="" border="double,3,black" type=1 line=0 align=center use=ex num="0,black""]
الشوق يافالح المصعـوك سرانـي=لديره اللي علاها القلـب شفقانـي
للديره اللي سكنهـا واحـدٍ يسـوى=في وسط الاعماق كل الانس والجاني
الصاحب اللي بقلبـي ماحـدٍ مثلـه=لا والله الا بعينـي كــل خـلانـي
اي والله اغليـه واحـبـه ولا ودي=يصـد عنـي وينسانـي ويجفانـي
ادعي عسى الله يخليه ولا يحرمنـي=من وصله اللي مشى مع دم شرياني
واليا ذكرت الهجير وطاري الفرقـا=طلبت ربي عسى الفرقـا لا تبلانـي
لكن الاقـدار مـن يقـدر يغيرهـا=حكم الزمن زاد بالفرقا من احزانـي
صد وتركني علـى ذكـراه يافالـح=مغير اردد ( هذا وشلون ينساني )؟؟[/poem]

الصادر:
me..

[poem=font="Traditional Arabic,4,darkblue,bold,normal" bkcolor="transparent" bkimage="" border="double,3,darkblue" type=1 line=0 align=center use=ex num="0,black""]

تمرّ بعض القصايد واتعدّاني=ماالقي لها بال..لو هي من حدا اْخواني
والشاعر الفذّ لامن جتني بيوته=اتهيّض شجوني..وْتستنطق لْساني
يامرحبا ياحسين..وْصح منطوقك=لو ان منطوقك ازعلني ثم ارضاني
شرحت لي في ثمان ابيات مايكفي=لإيقاد جمر المشاعر وسط وجداني
لأني يورّالي ان الحال من بعضه=حالي مثل حالك..وْشانك مثل شاني!
اللي عشق له لعوبٍ ترْف يهدي له=مع كل وردة مواصل..شوك هجراني
امّا صبر والمحبّه حلوه ومرّه=ولا تناسى وداده..والعمر فاني
الحب لو ردّ شايب لأول سنينه=ان عذّب يخلّي والولدان شيباني![/poem]