مخايل

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أعوذ بالله من الفتنه وسـوء المصير = وآعوذ به جلّ شانه من عذاب القبر
أصيب وأخطي وأنا العبد الضعيف الفقير = وآشوف وأسمع ودنيانا دروس وعبر
وأن كان ضاقت عليّ رددت قول القدير = وبشـّر الصابرين وسرت وألقى مْـعبر
إي بالله الصبر واللي قدّر الله يصير = ولا أنذكر للفرج مفتاح غير الصبـر
ياقوّ صبري على أحداث الزمان الأخير = هْنا شيوخ وجبر وهنا شيوخ وجبر
اللي يقود الجمل واللي يسوق البعير = أحتدها من قبل وأرتـدها من دبر
مجنون ينصح خبل وأعمى يقدّي ضرير = يا ساريه خبـّريني قالت أسمر عبر
إي والله إي والله إن الوضع جداً خطير = سار المرض في العظام وفي العصب والهبر
الأمر لله قبل آشير وإلاّ أستشيـر = رفيقي اللي ليا أجبرته مشـى وأنجبر
يقودني للرفيق الكفو سلك الحرير = أمّا كسيته وبـر وإلاّ كساني وبـر
وأن راح لأبها عساه بخير وأبها بخير = أقولها عن هل الدمام وأهل الخبر
ياسعـود كسر العظام نجبـّره بالجبير = المشكله كسـرة الخاطر متى تنجبر
من كان ياسعود همّه بس سمن ومضير = آشوف جسمه كبَر ماآشوف عقله كبَر
هذي الحقيقه ومن جا للحقيقه نصيـر = ما ينثبر مثل عون الكـذب يوم أنثبـر
آقول هذا بحر وتقول هذا غـدير = لبست بشت التواضع فوق ثـوب الكبر!
وأنت تعرف قصة الحجّـاج وأبن الزبير = وأنت تـْخبر ياطويل العمر وآنا آخبر
إن أطول الطايلين اللي يحـوس المرير = لا صار جنبي غدى طـوله حوالي شبر
اللي حضـر بيتحاكـى فرد والاّ وزيـر = وعلى بياض الورق يظهر سـواد الحبر
بس أبيض الوجه لو ماله بفعله خشير = بياض وجهه ماْينفـع دام حظـّه غبر
شف طيحة الحظ علّه شـرها مستطير = علّة نحـر ما تعالجهـا حبـوب وإبر
دورات الأيام تكشف لك طويل وقصير = وتصـرّفك عيــّنه وأيـامك المختبر
أما تصـدق خبر وتـنفـّذ أمر النـذير = أو تعصي أمر النذير ولا تصـدق خبـر![/poem]


ناصرالأحمري

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.