.
.
.



[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عز الله أني من سنـه مانـي بخيـر=مافيه دربٍ للحـزن مـا عبرتـه
ضحيـةٍ بيـن العيـا والمقاديـر=والونْس عيْت لا تنامـا شجْرتـه
من فوق صدري هضبةٍ كنها النير=ولا فيه جفن بالبكا مـا عمرتـه
لو أخلق لنفسي كبـار المعاذيـر=وش العمل في واقعٍ مـا عذرتـه
من عقب ما دق بضميري مسامير=الله يسامح ليلـه اللـي سهرتـه
يا طير لو غردت بالصوت يا طير=الصوت لو غنيت لي ما شكرتـه
أحيان لو زخرفت بعض التعابيـر=الصمت بعض احيان مااحلى آثمرتْه
لنْ الليالي غير واللـي نبـي غيـر=ولا فيه محفل للعزا مـا حضرتـه
أدوج بين أشباه ماهـم مداويـر=ويا كثر ما يطري وانا ما ذكرتـه
أحزان الأمه في عيونـي مساييـر=وقلبي على شان الكرامـه نحرتـه
كرامةٍ لـو سولفوهـا الجماهيـر=أهون ولا قبرٍ مـع العيـد زرتـه
قبر بحضنـه للخزامـى نواويـر=ترعى ندى مسكه ويانع زهْرتـه
ما كنها الا كليب وانا كما الزير=في ليل ٍ أسود والضواري آخطرته
يا قبر لو للدمـع مليـون تبريـر=الدمع ما يكفي ولو مـا حقرتـه
سلوان الأنفس بين عذّال ومشيـر=واللي يشاورنـي بدمعـي نهرتـه
فقدتهـا فقـد عذابـه مناشيـر=منشار سوٍ بالزمـن مـا خبرتـه
فقد البصيره في ضياع المشاويـر=وفقد المواجه فـي ظـلامٍ نظرتـه
وفقد الفقارى للذهب والدنانيـر=وفقد الأمن في دار تقتـل غبرتْـه
وفقد العدل في ظلم محتاج وآصغير=وفقد الأمل في مجتمع ما جهرتـه
وفقد الكلام بساحة العجز يا عمير=كلٍ على ما قيل يطمـع دورْتـه
أحآآآآه مالي قلب وأواصل السير=القلب قبل سنيـن معهـا قبرتـه [/poem]


.
.
.