منتديات المرقاب الأدبية - عرض مشاركة واحدة - آحٍّـِِّـِِّلآمً*•~-.¸¸,.-~* مًنْ *•~-.¸¸,.-~*رٌٍمًـِِّـِِّآدًٍ !

18-01-2010, 07:01 PM

.

طفلة الروح ما للوقت عذرٍ يسدّي
سامحيني على طول التعب والمسيره !

كل شيٍ هويته اصبح اليوم ضدّي
لا سمايه سماي ولا نجومي منيره !

كن ليلي على الضيقات جاي متحدّي
جازفت بي عيونٍ في ظلامه سهيره !

في ضياع الاماني بين ودي وودّي
سافرت بي جروحي دون دارٍ وديره !

ووسط غربة طموحي بين جزري ومدّي
عانقتني صدى الذكرى وخرّت كسيره !

ما جبرها نداي ولا سندها مردّي
كني اللي بموج بحورها جيت اسيره !

غرّقتني بشوقٍ بيّحت منْه سدّي
ودْمعتني سنينٍ موجعات وعسيره !

طفلة الروح راح العمر كله تحدي
ما غلبت الزمان ولا فرش لي حصيره !