|
هـــــدية الهاجس ....
السلام عليكم ورحمة الله وبركاته
تقبلوها مثل ماجت مع فائق حبي ............ ( لكل محبينا )
[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يالهاجس اللي مقبل يهلي = قبل العصير وعلينا شمس وقاده
يامرحبابك هلا مليون ياخلي = طولت غيبه وخفت تصير لك عاده
رحبت كلي ورحب بك معي ظلي = ارحب ياضيفٍ على السجات ميعاده
اجهز وابى اجهز واكملك وكملي = غبنا وجينا نزود الجزل بعـداده
تدري بدونك لوان الشعر جازلي = كتبت باليوم مية بيت وزياده
لكن بدونك حلفت انه مايقسملي = ياهاجسٍ عذب دونك ما اطلب سياده
علو فكرك مع جنوني يوضح لي = بسمة قلم طلعت دفتر من احداده
وجميل لفظك معا لفظي يبين لي = إنًا عزمنا الشعر لاعياد ميلاده
والصعب منك ليامنه تسهلي = يثبت بأني كفو واستاهل إشاده
لكن ركز معي وانته فطينٍ لي = بشرح لك اللي حصل بإجاز وإفاده
يمكن تروح ولا تقدر تقرب لي = بعطيك دبلة شعر تذكار وقلاده
دبله بها الفكر وقلاده بها جزلي = هدية الهاجس اللي قرر ابعاده
اجل قبل روحتك ياليت تسمع لي = ترى ليالي مضت ماهيب منعاده
اليوم صار الغراب يطير ويعلي = حتى الحنادي بعد هالحين هداده
والحر مربوط ذابح قلبه الغلي = واللي مربطه من هم الدهر زاده
والشعر ماعاد يشرح بال ويسلي = ليت انشغل عنه في تسبيح وعباده
مبطي كتبته ولا ابغى من يصفق لي = ولا كتبته عشان القرب من غاده
لكن طموحي اجيب ابيات تشفعلي = في يوم فيه الخدم تحشر مع الساده
ولوكان همي ابو صفحات يحفلي = واجد مهبل هجاهم يكسب رياده
لكني اشوم بـ اشعاري ومن مثلي = يحسب حسابه لمصداره وميراده
يموت شعري وانا بعده ومن غلي = لو المغفل تصنف ضمن نقاده
[/poem]
وسلاااااااااااااااااااااااامتكم ......
نغمة حزن دقت مثل صوت الاجراس = وجاوب لها هاجس حنيني بطاروق
وفكرٍ غدى في زحمة الليل محتاس = وجسمٍ خلا من قلب عايش على عروق
قصيدةٍ ماهيب تكتب على ساس = جتني ومعناها من الحزن مسروق
وكتبتها ودمعي مثل حد الامواس = سوى على وجهي علامات وفروق
سولفت فيها معا هوى ليل الاتعاس = وآخر كلامي كان بحساس محروق
اللي ذبحني صدق دمعات الاحساس = لحظة ذكرت الحب والشوق ياشروق
لو قلت احبك خايف تقول هلاس = كلمة احبك دربها صار مطروق
انا فديتك لنك من اقرب الناس = انا فدى برقا وقلبي فدى روق
sa-1400-ad @hotmail.com
|