يامن حباك الله مـن الزيـن ضديـن
ملـح وحـلا لاعـاد تذبـح جمالـك
بالغطرسـه ومقـابـل المستحقـيـن
للعطـف باهمـال النظـر وانشغالـك
ترى الهواويـه ضعـوف ومساكيـن
تمنعهـم قيـود الحيـا عـن سوالـك
وانا صبرت اقوى من اقوى البعاريـن
على رجـا رجعتـك ماابغـى بدالـك
ابغاك تنسينـي سنيـن العنـا الشيـن
وتحرص على شـوي وتديـر بالـك
واطير معك مـن الفـرح بالجناحيـن
اللي منابـت ريشهـا مـن وصالـك
وارتاح واستانـس مـع المستريحيـن
واقول فيـك مـن القصايـد حلالـك
اقول ماغيرك علـى اليابسـه زيـن
بيـن البشـر لكـن كنـك لحـالـك
وابني من احلامي على الارض برجين
وارقى علـى متـن الخيـال لخيالـك
واثـر البساطـا فالهـوى عاطفييـن
باحلامهـم تضيـق كـل المسـالـك
يفنون ماجابوا مـن الالـف عشريـن
وارواحـهـم يرمونـهـا فالمهـالـك
وعلـى وفاهـم بالجفيّـا مجـازيـن
واقـرب مثـال انـا ترانـي مثالـك
بعد البطا والبعـد والصبـر والبيـن
ماقلـت وشلونـك ولاكيـف حـالـك
حاولت ادوّر لك عذر مار مـن ويـن
والله ماكـن اللـي طرالـي طرالـك
صح لسانك مليون
كما عهدناك مبدع ومتميز
|