بسم الله الرحمن الرحيم
من الأرشيف
يجدر ذكرها كإهداء لإدارة المرقاب
,
,
,

آمل لها القبول

الشعر لأهل الشعر دايم على كل حال=في باسط الأرض... أو عالي مراقيبها
يبقى لنا كل ماهبت هبوب الشمال =جروحنا فالهوى يبري معاطيبها
يبقى لنا كل ما دن الرعد فالخيال= واخضرت الأرض في عيني بأعاشيبها
يبقى لنا حتى لو عادت حروب وقتال=والنار محدٍ يبى يسلم مشاهيبها
وأنا بذا المنطلق اعطيك رد السؤال=والاسئلة بعضها ماحيٍ يجيبها
الهامة اللي لها في مرقب الشعر فال =يبقى لنا عزها بعد عوى ذيبها
اقولها والله الشاهد عزيز الجلال = اني لها حلها واني لها طيبها
راسي على منتدى المرقاب رسي الجبال=والذاهبة لن غدت عليه اجيبها
اقول فيه الشعر واجني بيوتٍ جزال=واهالي مكة في مكة ادرى بأشاعيبها
والشعر حكمة وأدب احساس حرف وجمال=ماهو قوفي غدا كلٍ يغنيبها
ولا هانت رجال سارت فيه سير الجمال = والحمل مهما ثقل ما رخى مناكيبها
ايه الرجال الرجال اللي تسوق الدلال=تسوق فيه الدلال مقندٍ طيبها
تمت بذكر الله المعبود وله المآل = يوم ان بعض القصايد فاحت بطيبها