محمد السواط

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا هبوب النود وين ورقتـي المحتوتـه=معك أمانه لو أخذتيهـا وأنـا مابيهـا
ما عليك امن اسمي اللي حافظه فالنوته=ولا عليك امن الهموم اللي معك ناسيها
من يقول إن الغياب وطرقتـه ممقوتـه=طرقتـه مـرّه ولكـن الله محلّيـهـا
بين سجات القـدم فالديـره المبخوتـه=وبين توديع الديار اللي كثـر واطيهـا
فلّي المجدول قدمي وإلعبي يا ( نوته )=الروايه خلّـي العهـده علـى راويهـا
السلامه مكسبي من ضحكة الشاموتـه=والقناعه راس مال إن شفت فيها فيهـا
والغني بالله لو إنه مـا يحصّـل قوتـه=ما يجارونه هواميـر ٍ مـن يجاريهـا
والفرص يا قلّها واللي تفـوت تفوتـه=الجروح تلامس ولا توجـع مدويهـا !
والخلاصه في حياة إنسان والاّ موتـه=مستحيل مقدم الحاجـه ماهـو لاقيهـا
احتري شاعرك لين إنه يمرّن صوتـه=والهبايب كل عصر إن هبّـت يذاريهـا
القصيده ما تجيتـس أبياتهـا معفوتـه=دام عايض من هواتس أبياته مهاويهـا
[/poem]

لـ .. صاحب البدع الراااااااااااقي .. (( عايض النفيعي )) ..!!

,