...

..

.

[poem=font="Traditional Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تغيب؟ ممكن، لكن تموت؟ صعبه=بأمر الولي لأحياك لو بين الأكفان
خذ ما بقا لي من عمر و إنزرع به=و إنثر محاصيلك على مر الأزمان
أنت اللي فيني بات بــ علوّ كعبه=متحدثٍ رسمي لــ فرحِي و الأحزان
بوحك صدى روحي ولحدن سمع به=ألا هجوسٍ تظِهر البيت مليان
من بطن جعبه وسط عشرين جعبه=ما تلقط ألا الدر لولو و مرجان
كذبٍ صدوق و كم كذوبٍ طمع به=يبغى يتباهى به مع فلان و فلان
ناسٍ يظنون إن الأبيات لعبه=مغير جمع ألفاظ ترمى فــ الألحان
كل من نظم له بيت/ جاء منخدع به=لو هو سرابٍ ما سقى يوم ضميان
مالك و مال الشعر يا مصطنع به=فريس يوم، ويوم عاشق و ولهان
الشعر حاكم والأحاسيس شعبه=و أرضه رساله من وطن تسقي أوطان
و أنا و شِعري و الشعور إنطبع به=إنسان يسكن داخل أعماقه إنسان
لو مــ إقتنع بي يوم، ليه أقتنع به؟=وأخوض به حرب القوافي و الأوزان
يومن غيري لا أهانه شبع به=ماني معه و ألا بلياه جوعان
أنا رفعته فوق، لجل أرتفع به=عن قولة (الشاعر من الشعر طمعان)
وإن قالوا: إشتربه تنازل و بع به=ما طعته ولا هو يطاوع كحيلان
ممنون ياللي من أمانه و رعبه=صبت الهدف أحيان و أخطيته أحيان
يا من سكن جوفه شموخٍ نصع به=لاترتخي هامتك لو كان ما كان
و اللي كتمته دوم، هاليوم ذع به=خل اللي ما يشري يتفرّجك مجان
وجه البسيطه إلك، رح وإندلع به=إملا السماء وإمل الفضاءات دخان
مثلك علم في راسه إسمي، ولع به=وتدوم عالي شان يا عالي الشان
وإن كان بك شيءٍ وحيدٍ أنتفع به؟=هو قول (صح لسان فيصل ولا هان)[/poem]

...

..

.