هذه القصيده بمناسبة مشاركة الشيخ /مطر بن عجب السمي البقمي
مالك الإبل المعروف

في مزاين الظفره بدولة الإمارات العربيه الشقيقه مع إني خميتها وانا ماني بشاعر
وصف للبل ولكن إن شاء الله تجملنا معه ومعكم









[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في مزاين الظفره هل الابل شاركوا من كل صوب=اللي درى يا اهل المزاين يخّبـر اللـي مـادرى
مع منفذ البطحاء مداغيـش النشامـا بالجيـوب=مشايخ ومـلاك مـن روس القبايـل واومـرى
ساقوا عطايا لله بزينٍ يبهج الصـدر الرحـوب=احدٍ ورثها ورّث واحـدٍ بـاع فيهـا واشتـرى
في دار زايد راعـي الأمجـاد فكـاك النشـوب=ما ماتت امجاده ولوّ جسمه ّدفن تحـت الثـرى
حـراً عديـمٍ ماتروّعـه المصايـب والخطـوب=يضحك حجاجه لا التوى وجه الزمان الاقشـرى
يالله عساه بجنة الفـردوس مغسـول الذنـوب=فقـده علينـا مثـل جـرحٍ فالضمايـر مابـرى
يا ابن عجب ياكاسب الناموس ما انته بمّغلـوب=إن قالـه الله يامطـر مرّكـزك مايرجـع ورى
لإنك وريث البل من اجدادك على ايام الحـروب=جدانك اللـي قـد حموهـا يـوم ردات البـرى
سمو البقـوم مزبنيـن اللـي تحدتـه الكـروب=سهوم المنايا مثل سيلٍ من على القمـه جـرى
تاريخهم في صفحت التاريـخ ماهـو بمحجـوب=بأول كتاب المجد صيتٍ يذهل اللـي بـه قـرى
وكل القبايل ماعليهـم زود مـن كـل الشعـوب=واليوم يومك يا ابوّ بندر وانت مقـدام السـرى
سقت المجاهيم الدواهي والفحـل معهـا يجـوب=قعودان والمـلاك بـقعـودان لا شـك خبـرى
لامن هدر صوته يشادي صوت رعاد النصـوب=ولامن تمثنى البل مثل شيخٍ علـى ربعـه ذرى
عوج الرقاب مرثمات خشوم وعراض الجنـوب=وارقابهن مـن خلقـة الله كـنّ لاحقهـا عـرى
وخدودها شبرين واكثـر بالمفاهيـم محسـوب=هـدلٍ براطمهـا زراويـه تقـل مصـدر زرى
طوالً غواربهـا ولا فيها ياخلق الله عيـوب=والوانها تاخـذ مـن الليـل العتيـم الاغبـرى
ناعم وبرها فوقها ضافـي تقـل تفصـال ثـوب=سبحان من صـور مفاتنهـا بزيـن المنظـرى
وخفوفها ماتشتكي لامـن وطـت وعر الـدروب=ولاّ تشتكي حر الرماضـي بالنهـار الأحمـرى
عشاقهـا حطـوا مكانتهـا بمثـنـاة القـلـوب=يـوم السعـد لامـن طاريهـا عليهـم ينطـرى
ويا ابن عجب ياكاسب الناموس ما انته بمّغلوب=إن قالـه الله يامطـر مرّكـزك مايرجـع ورى
لإنك وريث البل من اجدادك على ايام الحـروب=جدانك اللـي قـد حموهـا يـوم ردات البـرى [/poem]



/

الشيله هنا


http://file15.9q9q.net/Download/7225...mzain.mp3.html


/

.

/\


اقصر قصيده قلتها تازن لها بعيني هرمّ
.....والبيت منها في ضمير الشعر يسوى ملحمه

يكفيني إني مرضيً ذاتي ولوّ ماني نجمّ
.....كم نجم ماله نور والشرهه على اللي نجمه


\/