بعيداً عن إدعاءات معيض العتيبي في العطل الذي أصاب منتدى المرقاب
اليكم السبب الحقيقي في ذلك
انا عندي خبر وادري وش اللي خرّب المرقاب
بعد ما شيل اسم خالد حميد السيرفر مضروب
يقولون ارتفع ضغطه وانا اقول ارتفع وانصاب
وانا مانيب الومه يوم فارق شاعرٍ محبوب
ضربه الحزن لا والله ضربه مفارق الأصحاب
عجز يتحمل اللوعه وهو ماله عن المكتوب
على مرقابنا الشعبي تواجد مثل ليث الغاب
حريصٍ فيه من لين وتواضع وان زعل مهيوب
يثبّت كل موضوعٍ جميل يحقق الإعجاب
ومرات يتدخل في قصايد شاعر موهوب
انا اشهد له تواجد لا حضر ويزيد لا من غاب
غيابه تفتقده قلوب ثم قلوب ثم قلوب
فتح في كل بيتٍ من بيوت المرجله كم باب
سعة بال وكلام رجال والفنجال له مصبوب
وسيع بنود طيب وجود دون حدود ما يرتاب
ولا يهتم راعي تم كيف وكم له منسوب
ترى هذي هي الاسباب ياللي تطلب الاسباب
بعد ما شيل اسم خالد حميد السيرفر مضروب
|