..
ياللي على البال حطينيي على بالك
لاتشغليـن الضميـر ولاتعنينـه
اللي عطاك العهد مايقطع وصالك
وانتي حلفتي له انـك ماتخلينـه
لاتتركينه يسامـر ليلـه الحالـك
تراه لاحسّ بالخوف دمعة عينـه
حسّي به شوي في حلّك وترحالك
واليا غشته السكينه والطمئنينـه
تجوّلي في ربوع الصدر بلحالـك
مرات في يساره ومرات في يمينه
واخذي من اطراف قلبه ماتهيا لك
واللـي تبـي تاخذينـه لاتردينـه
حراً شبكتيـه بقوالـك وبأفعالـك
وبحبك الصادق وبعلومك الزينـه
عطيه فرصه ومدي دونه حبالـك
وده يضمـك ويلحفـك بجناحينـه
..
عبدالله بن قنيص ..
|