لــ نايف أبو ثنتين
لبى عفيف ومن سكنها من الناس
احلى مدينه وسط شبه الجزيـره
مدينةٍ تسوى فينّـا وتكسـاس
لو كان مافيها غابـات وبحيـره
لكن فيها احفاد من يلبس الطاس
يوم الحروب الطاحنه والخطيـره
ياما جرى فيها على قب الافراس
واجدادنا اهل السيوف الشطيره
عاشوا على عز ومعزه ونوماس
وماتوا على كل العلوم السفيره
ومدينتي من صيتها ترفع الـراس
وفي خافقي تسوى ثمانين ديـره
احبها من قلب وشعور واحساس
حبٍ ماهو حب الهنوف وسميره
حبٍ من اعماقي عى غير مقياس
لو كان غبنا فالسنين الاخيـره
صح لسانك
يا نايف
وبيض الله وجهك
|