منتديات المرقاب الأدبية - عرض مشاركة واحدة - آحٍّـِِّـِِّلآمً*•~-.¸¸,.-~* مًنْ *•~-.¸¸,.-~*رٌٍمًـِِّـِِّآدًٍ !

14-02-2010, 08:50 PM

كيف ابمدحك وانت المدح يزها وصوفك
قاصرٍ ما يوفّي حق قلبك عليّه

كانها بالمراجل كلها في صفوفك
وكانها بالعطا يمناك دايم رهيّه

تشهد بصدق قولي ياغلايه ضيوفك
تنطح الواجب بكفٍ كريمه نديّه

كنّك الطيب واخلاق التواضع هنوفك
لازْعَلت مالها غير السمينه شريّه

كل حيٍ تشوفه جاد فيه امعروفك
يابعد كل عفنٍ ما زها بالعطيّه

كيف ماعشق حضورك لا لفتني طيوفك
وانت بعدك عن عيوني سواة المنيه

يذبح افراح عمري حزن قلبك وخوفك
وارتمي للالم واصير لاجلك ضحيّه

الأمل لجل عينك كف يحضن كفوفك
عشّمـه بالوصال آعيش عمري هنيّه

أمدحك كيف؟ والمدح ان تسامى يشوفك
ان تكتّم خطيّه وان تكلّم خطيّه !