سلام عليكم

محبه وتحيه طيبه لكم جميعاً
وغيرها ابيات متواضعه للتواصل واعذرونا على القصور .


[poem="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يسولف الوقت في صدري عن اشواقه=من أول الليل لين المذن التالي
ما ملك البال يا مزنه وبراقه=لو شعب الامال ما ربّع ولا سالي
قال المواعيد قلت الود واعماقه=قال المواريد قلت الدلو وحبالي
تعال بالوردتين اللي وسط باقه=الورد غالي وانا عيني على الغالي
لو جفن عيني منامه وافق احداقه=ما ياخذ الحزن من قافي وموالي
والصبر لولاي عاقد له .. ركز ساقه=من حوف الاشواق عزا له وعزا لي
يا وقت مالي ومالك فالصبر طاقه=تعال واسمح معي من سمح الاقبالي
ما لايق الزين غيره .. كثر ما لاقه=الزول زوله عسى تفداه الازوالي
العين والرمش يا سبحان خلاقه=والفم والخد فوقه حبة الخالي
والمعنق اللي يحايلني على عناقه=والحالك اللي عليه يطيح شلالي
والخطوه اللي لها الخطوات سباقه=والقوس والباري اللي باري ن حالي
موسّم الروح وسم ابوه لنياقه=اللي تهيا لها الميسم .. تهيا لي
يا جمرةن في صميم القلب حراقه=يهبها الشوق من صفق الهواء العالي
القلب مكفيه ما شافه وما ذاقه=دواعي الوقت ما زالت ولا زالي
تعال قبل الخريف يسلم اوراقه=تعال يا ابعد فضاءيه وآخر آمالي
الوقت ماعدت قاوي خنجر ارهاقه=يكفيني اللي حصلي ياهوى بالي
عطني جليل الوصال وعطني دقاقه=غلاك يكتب ورى صدري ويقرالي
وان سولف الوقت في صدري عن اشواقه=تستاهل الحب فالاول وفالتالي ![/poem]

سبحان الله وبحمده
سبحان الله العظيـم