[poem=font="Simplified Arabic,5,black,bold,normal" bkcolor="tomato" bkimage="" border="double,4,deeppink" type=1 line=0 align=center use=ex num="0,black""]
ياعذولي لاتزيد المواجع والشموت = والله إني عقبها جزت .. حتى مالحياه
من يلوم القلب في حبها جعله يموت = موتة اللي لاتشهد ولا صلى الصلاه
فرقها فالبيض لا عرّضن لي فرق نوت = في عيون عقاب وإن حصّل النادر هواه
تدري إني من كبار الروابع والبخوت = لو تقلّبنا الليالي على فقر وغناه
لكن المكتوب للأدمي ماعنه فوت = والتماني ماتحقق لحيّ مبتغاه
ياوجودي عقب ما ضاع درب الجيلبوت = فاضت الدمعه وخاب الأمل والحلم تاه
والألم والياس خيّم على وجه السكوت =في سمانا وأظلم الكون من كل إتجاه
ساعة الفرقاء حزينه على مَرّ الوقوت= والمصيبه يوم ماجالنا منها نجاه
أرتوي الحرمان والصبر مُر وعنزروت =وأتعزز توّ راعي النصيحه والوصاه
وأنا .. لامرّت على البال والعالم اخفوت = كن قلبي بين الاضلاع يِمزع من عراه
حبها في الصدر بنّا مشاريع وبيوت = وإسمها منقوش وأموت ماشيّ محاه
وصفها وأعوذ بالله من عين النحوت = خشف ريم وكّد الصوت وأخطوه الرماه
في قِبلّها طلة البدر واسرار الصموت = فالعيون السود والخد الاطرق والشفاه
وإن مشت بمعزّلٍ قدّها يطوي الخبوت =نوةٍ برّاقها قِدْم والليل أقتفاه
هرجها بالمختصر والدلاله والثبوت =والعقل موزون والسدّ ماكلٍ قراه
قُربها جنه ولذّة حياة ماتفوت = وبعدها نار وُلا للعمر ذوق وطراه
ياطيور الجو حنّي لوافين السموت =وأحملي مني رسايل وصل بين الغلاه
بلّغيها موجز العلم وأقرِيها البيوت =والسلام اللي من المسك والعنبر شذاه
وعلـّميها .. دام نسجد لحي مايموت = نذر .. مانسى ذكرها غير لاجات الوفاه



[/poem]