منتديات المرقاب الأدبية - عرض مشاركة واحدة

28-02-2010, 01:16 PM

الأخوة / الأخوات في مرقابنا الأشم ..
أطلقوا عنان الخيال ..
وتخيلوا أنفسكم في هذه المواقف الخيالية ..
وسجلوا ردة أفعالكم على كل موقف .. !!

اهلا وسهلا يابو حمد
فكره مجنونه

نكبة (( الشبة )) .. !! :
- يوقفك أحدهم في الشارع .. ويناديك بغير اسمك ويتشبث فيك ويقول :
أنت وينك أهلك يدورونك من سنتين ويبكون عليك ويصر على انه يأخذك لهم ..
وش تسوي معه .. ؟؟

ههههههههههه هذا والله النكبه ، بس عاد اذا كان جلف ولافيه طمعه بروح معه بدون اي نقاش وبيصيرون ذوليك اهلي وبعيش عندهم

بخيل (( متذاكي )) .. !! :
- تقف عند محل وجبات سريعه ويلتفت لك أحدهم ويقول عطني 20 ريال سعر وجبتي ..
لأني بصراحة مامعي الا (( 500 )) ولاودي اصرفها .. بماذا ترد عليه .. ؟؟

بقول له : مادام ماودك تصرفها انا بعد ماودي اعطيك ونحل الازمه ( ودياً ) !

سياحة خلف القضبان .. !! :
- تفوز برحلة سفر مجانية الى اوربا لمدة شهر على حساب شركة سياحيه ..
وعند وصولك هناك تقبض عليك الشرطة كمتهم في عمل ارهابي ..
وتودع في السجن وبعد نهاية الشهر يكتشفون انه تشابه اسماء .. ماذا ستفعل .. ؟؟

ارجع للسعوديه سياحة طول عمري بمناسبة السلامه من السجن لايلحق عمري عمر صوفيا اللي في موضوع متعب ههههههه

المتهم برئ حتى يقرط في عمامته .. !! :
- وأنت خارج من أحد الاسواق تتفاجأ بشخص معه رجال الشرطة يأشر عليك ..
ويقول هذا هو الحرامي أمسكوووه وسيارتك اقرب لك منهم .. تنحاش او توقف او عندك تصرف أخر .. ؟؟

على حسب فعالية ركبي هل هي صالحة للاستعمال بعد الراعه ولا لا

وقفت على (( الأسم )) .. !! :
- بعد بحث مضني عن وظيفة تجد وظيفة على مؤهلك وتناسبك ..
وقبل تعميد التعيين .. يرفض المسئول بحجة أن (( اسمك )) الأول على اسم واحد مايحبه ..
ماذا تقول للمسئول .. ؟؟

ههههههههههه انت ماحسبت حسابي في السؤال هذا
لان مستحيل يكون المسئول قد مر عليه ( عفاس ) في حياته
لذلك الله يبارك في عمرك << تعين رسمي

حفلة (( القرد )) .. !! :

- تذهب الى محل الهدايا لشراء صندوق لدرع عملته كهدية ..
لشخص تحبة وتحترمه وتريد تقديمها له في حفل ترقيته ..
تختار صندوق مناسب ويغلفه صاحب المحل وتحضر للحفل وتقدم الصندوق وتهم بفتحه امام الحضور ..
وتتفاجأ عند فتحه بـ (( قرد )) صغير يقفز منه ويحوووووس الحفل ولاتجد الدرع .. كيف تتصرف .. ؟؟

هي خربت طبعاً
بقول هذي معونتكم يالربع ووالله لو انكم كفو اجيب لكم حاشي بس مانتم كفو !

ابو حمد ماتلاحظ ان كل خيالاتك نكبه
ليه ماتتخيل الحاجات الحلوه مثلا ً تخيل انك متزوج وانت راجع من الدوام دقت عليك الحرمه تقول جب لبن وانت فلوسك في البيت هل تدينها من راعي البقاله ولا تروح للبيت وتأخذ الفلوس ولا ماتجيب لها لبن
<< ماتلاحظ انه سمج في آخر شي