ناصر تراحيب

هلا براعي النكبات

!
!!



نكبة (( الشبة )) .. !! :
- يوقفك أحدهم في الشارع .. ويناديك بغير اسمك ويتشبث فيك ويقول :
أنت وينك أهلك يدورونك من سنتين ويبكون عليك ويصر على انه يأخذك لهم ..
وش تسوي معه .. ؟؟
.. أروح معه (( مسيار )) وأحاول أقنعهم بأن ولدهم (( مات )) وراح أكون على إستعداد إني أجي أونسهم مره فالأسبوع على الأقل >>>> شفت الإنسانيّه



بخيل (( متذاكي )) .. !! :
- تقف عند محل وجبات سريعه ويلتفت لك أحدهم ويقول عطني 20 ريال سعر وجبتي ..
لأني بصراحة مامعي الا (( 500 )) ولاودي اصرفها .. بماذا ترد عليه .. ؟؟
.. اقول مامعي غير ريالين إذا تبيها عطيتك إياها ، خذ لك شاورما بدال حبة هالدجاج اللي مالها سنع .!



سياحة خلف القضبان .. !! :
- تفوز برحلة سفر مجانية الى اوربا لمدة شهر على حساب شركة سياحيه ..
وعند وصولك هناك تقبض عليك الشرطة كمتهم في عمل ارهابي ..
وتودع في السجن وبعد نهاية الشهر يكتشفون انه تشابه اسماء .. ماذا ستفعل .. ؟؟
.. مافيها كلام (( حقوق الإنسان )) دوام 24 ساعه .



المتهم برئ حتى يقرط في عمامته .. !! :
- وأنت خارج من أحد الاسواق تتفاجأ بشخص معه رجال الشرطة يأشر عليك ..
ويقول هذا هو الحرامي أمسكوووه وسيارتك اقرب لك منهم .. تنحاش او توقف او عندك تصرف أخر .. ؟؟
.. إذا فيها سجن مثل اللي فوق ، التقريطه ابرك .. مادام حقوق الإنسان ضايعه


وقفت على (( الأسم )) .. !! :
- بعد بحث مضني عن وظيفة تجد وظيفة على مؤهلك وتناسبك ..
وقبل تعميد التعيين .. يرفض المسئول بحجة أن (( اسمك )) الأول على اسم واحد مايحبه ..
ماذا تقول للمسئول .. ؟؟
.. اقول له : حتى أنا كارهك من يوم شفتك ، أنت وجهك اللي كأنه علبة صلصه .


حفلة (( القرد )) .. !! :

- تذهب الى محل الهدايا لشراء صندوق لدرع عملته كهدية ..
لشخص تحبة وتحترمه وتريد تقديمها له في حفل ترقيته ..
تختار صندوق مناسب ويغلفه صاحب المحل وتحضر للحفل وتقدم الصندوق وتهم بفتحه امام الحضور ..
وتتفاجأ عند فتحه بـ (( قرد )) صغير يقفز منه ويحوووووس الحفل ولاتجد الدرع .. كيف تتصرف .. ؟؟

.. امّا هذي امّ النكبات ، تصدق عاد ماقدرت أتخيل انواع الإحراج هنا ، لكن ابا اقول القرد هذا من سلالة نادره من فصيلة الشمبانزي المنقرضه تربى في أدغال افريقيا وماجاء هنا الاّ بعد ماترقى وإحتفالاً بترقيته عزمته هنا علشان يتعشى معك طال عمرك