سعيد الشهيب
اسعد الله جميع اوقاتك بكل خير
ماظاب بـدع القصيـد وطابـت اوزانـه
الا بليـلاً بربـعـي مبتـهـج نــوره
يلامس احساس شاعـر يعـزف الحانـه
حتى القوافي تراقـص شـوق فسطـوره
سـلام يامـن رسـم بالطيـب عنوانـه
سـلام ياحلـة(ن) بالطيـب معـمـوره
سـلام يامـن حسبنـي رابـع اخوانـه
وانا شعوري يلامـس صـادق اشعـوره
حـزام جنبـي رفيـق الـدرب برهانـه
علـى الوفـاء والرجولـه دوري ودوره
علماً على الطيب والمعـروف سيسانـه
ماهـي بصحبـة ردى ودروب محظـوره
شعـري وشعـره وديوانـي وديـوانـه
متخاويـه مثـل جمهـوري وجمهـوره
تمشـي علـى سلـم جدانـي وجـدانـه
رفقة بني عم طبـق الصـوت والصـوره
حتى المنافـق يمـوت وييبـس اللسانـه
ماوصـل للـي يبـيـه بكـذبـه وزوره
وانـا خـوي رفيقـي قلـت لـك عانـه
عواض واللي مثـل عـواض بحضـوره
علـى سنـام الوفـاء والمجـد ميزانـه
سلـم الرياجيـل فـوروده وفـصـدوره
والرجل ياصل ويسبق غصـب بحصانـه
مـا وقفـه حـارس الكايـد ولا سـوره
]وبعض الرياجيل عنـدي تكملـة خانـة
احسن ما تاخـذ منـه شكلـه وديكـوره
واليـا نخيتـه بيـوم يـعـج دخـانـه
ايديـه عـن مـدة الجـودات مقصـوره
والله لـو ام الجدايـل تـاقـف وزانــه
-لقـول هـذا قـدرك وفيـه مـاجـوره
]صحيـح رجـلاً يضـخ الـدم شريانـه
لكـن روح الرجولـه فـيـه مقـبـوره
عفـواً اذا فيـه احـد ليمـت حجـانـه
يشرب من الماء عشـان يبـل حنجـوره
انـا كـذا شاعـر(ن) مجنـون وجنانـه
صريـح لـو الصراحـه حيـل منكـوره
مستاهل المـدح فـوق الـراس نيشانـه
ومستاهل السب ياخـذ فـوق صنفـوره
ورجـواي فالله كريـم الوجـه سبحانـه
فخـوة اهـل الوفـاء وذنـوب مغفـوره
وسنـة محمـد رســول الله وقـرانـه
ياحـظ مـن كانـت الثنتيـن دسـتـوره
ومبروك يامن مجي ربعـه علـى شانـه
نشاركـه فالفـرح ونجـيـه ونــزوره
مبـروك لـك يافهـد والرجـل بمكانـه
اليا بنـاء البيـت يعـرف باقـي امـوره
]يعـز عانـيـه ويـرحـب بضيفـانـه
ويمشي على سكة(ن) بالخيـر مذكـوره
وانته ولـد مـن يقـل الحمـل بمتانـه
فلنـا وقالـوا عليـه البيـض منشـوره
وانته خوالـك سنـام المجـد واللوانـه
نفخر بهم في سنيـن العمـر وشهـوره
فرسـان لا وسـع الميقـاف ميـدانـه
وشيوخ فالمجلس اللـي محتكـم شـوره
ذخر ابـن سالـم مثـل جـده وعمانـه
وارد علـى العـد بحبالـه ومظـهـوره
وعايـد وزاحـم ذرى راسـي وتيجانـه
وجيش(ن) على الحد الاقصى صف طابوره
وصلاة ربـي عـدد مـا هلـت امزانـه
على رسول(ن) بشـرع الله بـدى نـوره
ونعم بكم جميعا
مبدع ياسعيد
تقبل مروري