ماهيب مبنيه على المـال والجـاه
ومهايط اصحاب البشـوت الرقاقـه
اللي ليا شافو غنـي حبـوا ايـداه
ولسفرته ماهـم بحاجـة بطاقـه
من شان مالـه كنهـم فالمحامـاه
لو حظهم من زايـد اكلـه اذواقـه
كثـر التبـرك بالبشـر والمغـالاه
وعبادة الاصنـام باسـم الصداقـه
من طاح ماء وجهه على شان دنياه
يكتب معوق في كشـوف الاعاقـه
الله ولا قـرب الوجيـه المهـبـاه
اللي تعلّـم فـي لحاهـا الحلاقـه
طول النظر عنـد المغفـل معانـاه
يصك قدمـه بـاب ويفـك طاقـه
حنـا بعصـر ٍ ناقـل ٍ داه بــرداه
والانفتاحيـه كـمـا الانغـلاقـه
ما احد ٍ يقول ان المفاهيـم ملغـاه
لكن لهـا ماعـاد للنـاس فاقـه
وانا ما اطالب من هنا بالمسـاواه
ياصحابنا ياللـي تبـون السواقـه
كل ٍ من العالم علـى مالله اعطـاه
والضعف اهانـه والتكبـر حماقـه
وانت سالم وغانم
صح لسانك واشهد بالله انك ابدعت وصدقت
قصيده فالصميم
لله درك
احترامي
|