منتديات المرقاب الأدبية - عرض مشاركة واحدة

09-03-2010, 01:20 PM

المشاركة الأصلية كتبت بواسطة عبدالله بن علي

ـ مساء النقاااء
ومساء الخير والتفاءل ....

متواضعه من جعبة متواضعاتي ..

[poem=font="Arial,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على مرّز الكوع مانوّخ الراس = في ليلة ن ضبضابها جو غابه
في عزلة ن بااحضانها يبرك الياس = بروك قطعان الدبش فاللهابه
اكفـخ وانا مالي جناحين قرناس = وذيب السهر في جبهتي غز نابه
ضايق وكني فوق نيبان وامواس = وشامان صبري ماانصلخ من جرابه
لو كان قلبي للشقا قلب حبّاس = بعض الضروف احتوف تنحت صوابه
وانا ليا صكّت عليّ مثل الاقواس = وشفت البسيطه كبر ماطا الذبابه
ثلاث مالي غيرها يذهب الباس = عشّاقها مفلس ذهابه وايابه
البحْر والضلع وسما كل خرماس = اشوف فيها ماانقرض من رحابه
اسج سجّة من غدى حقّه اسداس = تقاطعوه ابنا العمومه نهَابه
واقول في نبرة ثري شاف الافلاس = كلمه تبي عاقل يصيب الرجابه
ماهو بمتحيّز دناوي وحسّاس = مشورته دوٍّ تطارد سرابه
كلمة منابعها معاليق يبّاس = من تجربة عقدٍ والآخر عقابه
اليا قطعت الناس مااسلم من الناس = واليا وصلت الناس شفت الحِرابه
ناس ٍ تصير الها دوى ضد الاوناس = تشوف منها مايحير الداوبه
انا مثالي في زمن فيه الاجناس = متقاربه لو بعدتّها الكتابه
وادري عن اللي في قفانا تقل فاس = وان جا قدم عيني سوات الزلابه
اللي ورا غبّات الاجواد غطاّس = حرص ن على الزلات ناسي عيابه
ملقاط شر وللشرابيك مساس = فتّال حبل التفرقه من ثيابه
شجاعتِه ريشة قطا بين الاطعاس = اقل هبّة ريح تِصل السحابه
وجبانتِه كورة قزازه على طاس = اخف هزّة كف تصبح خرابه
مثل الكديش اللي وسط قب الافراس = مخلوق للكدّه ولا ينغزابه
هذاك مثل الحثل في قاعة الكاس = ماينشرب لوهو محللّ شرابه
والمجلس اللي فيه مبغض وبلاّس = ماهيب عندي دعوته مستجابه
عنِه السعه ستر ومعّزه ونوماس = وبشتٍ يطرزّه القدر والمهابه
لوكان خطّاره كثر رد الانفاس = عندي مثل خرج ن يضيّع زهابه
ومثل الكويخ اللي شكا كل عسّاس = صرير بابه صوت قوس الربابه
اليا انصدمت فشخص لو قلبه ألماس = ولو كان فاارقبتي عروق القرابه
صدقني اعتبره وساويس خنّاس = واشوف كفّه وسط كفّي جَنابَه
واشوفه لخبث العداوات نبراس = واني فلا اشقابه . خطاه وصوابه
بعض القرابه لو عموقه على ساس = مثل الفساد اللي بليّا رقابه
يدخلِك تقل انعاس في لحظة اعماس = ويِحسَب على اللي مايحسِّب حسابه
العقل لفروق الرياجيل مقياس = والفعل مشخال الكَسل والذرابه
للحيل ذباّحه وللنار مقباس = وماكل حاضر مايفضّل غيابه [/poem]

وسلااااااامة الجميع ...

والله الذي لا اله الا هوو انك من عمالقة الشعر الشعبي بدون ادنى مجامله ولاشك ..
على الاقل في نظر اخووووك ..

قصيده مايوفيها الحكي يبوعلي ..

جعل اللاش يفداك ,,