منتديات المرقاب الأدبية - عرض مشاركة واحدة - آحٍّـِِّـِِّلآمً*•~-.¸¸,.-~* مًنْ *•~-.¸¸,.-~*رٌٍمًـِِّـِِّآدًٍ !

17-03-2010, 12:53 PM

.

كان ماعندك على وعدك حميه
لاتقول الرجل فعله من كلامه !

الْتوى مابين داب وبين حيه
عهد من شبّه حلاله في حرامه !

والله اني بالملاقا اجوديه
ما تعدى حد من ضيّع مقامه !

الله الله يالدروب الجرهديه
كن في عيني من صدوفك علامه

تلحقين الطيب والمعروف سيّه
وواسع الذمّه تزهّينه العمامه !

أحمد الله عن مواقيفك غنيّه
دام عزّي مسند القلب وحزامه

الضماير باقيه للحين حيه
لوغشاها الليل الاسود في ظلامه

وان توفّت ما على الايام ديّه
كان ما خلّت ولا ذرة شهامه !

.