جديد للتواصل :



[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]



الشعر والليل عنّيته وعنّاني=والجو ماهوب مُفعم بالرومانسيّه

قفّلت جوالي الأول مع الثاني=الراحه لنفسي احياناً ضروريّه

ونطّحتها الليل والتفكير سرّاني=حتى استقامت على معنى وقافيّه

ياللي تبون الخبر حصري ومجاني=بعيد عن زخم الأوضاع السياسيّه

أنا لي اسبوع والضيقه تولاّني=جافيني النوم وعيوني شقاويّه

ماغير اسج القدم في كل ميداني=والآحي الورق وآجرّ الهجينيّه

امسي على ضيقتي واصبح على احزاني=مانيب مبسوط واخلاقي تجاريّه

مدري من المجني ومدري من الجاني=بس الوكاد أن ذا طبع الهواويّه

ياللي بنظرْتك تآمرني وتنهاني=نظرْتك لاسلهمت ماهيب عاديّه

ومبسْمك خاتم نبي الله سليماني=والتين والخوخ بين الشمس الفيّه

والعاتق امرصّع بلولو ومرجاني=والشامه اللي على خدتْك ماريّه

والخصر ضامي لكنّ الردف روياني=صوره طبيعيّه وصوره خياليّه

(ماهوب حقٍ تعاهدني وتنساني)=وأنا مقدّم لك الخفاق بيديّه

يكتبني الحزن والتوديع يقراني=و رواية الصد مسموعه ومرئيّه

لكنْ اذكرْك كان أن الله احياني=لأقطع الذّ العلاقات الغراميّه

ماهو على شانك ولاهو على شاني=لكن حفاظاً على الذكرى الحميميّه

واستلحق اللي بقى من عمري الفاني=ياعمري اللي قضيته بإزدواجيّه

الحب في الوقت هذا حسب ماجاني=مافيه لا رحمه ولا فيه مآويّه [/poem]