..

..

أحبابي ؛ اللي من ورى الصدر لاعوا
..............................مرج الزهور اللي لهم بالوفا طاب
شبّوا بعيدانه جفا ؛ لين شاعوا
............................. وأخذوا لهم ضلعًا وحطوه مشهاب

من زود ماهم في الضعيف استطاعوا
............................. ذرّوا رماده في شرا موعد احباب
شربت ملح افراقهم ؛ لين جاعوا
...............................ركب الاماني ما ضحك للقا ناب

عصافر امالي من الحزن ضاعوا
.............................صدري بيادر زان والحزن حطاب

يا ماشروا فيني رخيصًا وباعوا
............................ وياما وقف حلمي ورى درفة الباب

يزمّ شمعاتٍ على يديه ماعوا
................................... تجلّله برد التجافي ولا تاب

مازال يأمل يوم لا مر ياعوا
............................... انه ضحيّة هجر ماعنده اسباب

لا مرّت اطيوفٍ لهم قال راعوا
.......................... من صار عورة جرح وأحزانه ثياب

مايوم سمعوا له ولا يوم طاعوا
.............................. وأن نبّهه عقله يقول آصّ كذاب

من وين ماهدا الجروح استفاعوا
............................. قالوا كذا ولا ترى مالك.. أحباب

..

..

م.س.

حسابي في تويتر
http://twitter.com/#!/Alsalem15