[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا اللي زرعت الشوق في صدر شاريك=لا تحرقه بالزرع وتقول وينه
وياليت قلبي يوم قفى مخاويك = مااشتال من حدب الضلوع السكينه
لو تهمس بنجواك في قلب مغليك = اللي معك قفى بحكم الرهينه
يمكن وهو في الاسر عندك يسليك= لو كان جرحه نازفٌ من وتينه
ترك حنايا الصدر بأصداء تناديك = والنبض بإسمك في مشاعر دفينه
و إن قلت جرح الشوق ماهوب يعنيك=العذر يُقبل منك هزل وسمينه
واسيرك اللي صار مأسور بيديك = حكم الأسير , العرف ما احدٌ يهينه
دامه ليا ناديت له قال لبيك = ويمد لك بحبال وصلٌ متينه
حافظ عليه ولو تزود بتغليك =و لا ترتضي له بالقهر والغبينه
المستحيل انه بغدره يعاديك = ولا يظهر القسوه معك عقب لينه
والمستحيل إنه بالإذلال يرجيك=ترى الكرامة عند اهلها ثمينه [/poem]
|