منتديات المرقاب الأدبية - عرض مشاركة واحدة

31-03-2010, 05:48 PM

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليا جاز لي طرق القوافي و انـا طربـان=اسرّح ركاب الحـرف يمـه و اضويهـا
اجاري واعارض من يصوغون للألحـان=على رغبتي والناس ما احـدٍ بمرضيهـا
يا دوب اني ارضي داعي الشعر والقيفان=ولا نيـب مكلـوفٌ بنـاس ومعانيـهـا
و لا همني من قال بـه زايـد ونقصـان=طبيـب الجـروح بقـدرة الله يداويـهـا
و الا يا حروف الشعر هلي كمـا الهتـان=ليا صاحبـه زخ البـرد مـن علاويهـا
تفيض الخباري منه و يسيّـل الوديـان=وهشيم العروق تفز لـه يـوم يرويهـا
سلاطين حرف القاف تستهوي الانسـان=ليا درهمـت للسبـق والبـوش يتليهـا
يغيض ويفيض الصدر لو ما حصل نسيان=ليا اشتاقـت النفـس المـوده لغاليهـا
يبوج الفيافي هاجـس الفكـر للسلـوان=ولا كـل دارٌ هاجـس الفكـر ياتيـهـا
مراده وشفـه يـا حمـد ديـرة الخـلان=عسى الغيث من صافي مزونه يساقيهـا
توارد خواطـر ساهـر الليـل للسهـران=ليا صاغ لـه قيفـان , غيـره يجاريهـا
وتسير السفن وسط البحر ماتبي عنـوان=وليا زاد موج البحـر ترسـي مراسيهـا
من ارض الحجاز لعالية نجد والصمـان=مراسـي سلاطيـن المعانـي وحاميهـا
على ماتبيه النفـس مـن دون ماجـلان=دليـل وبنـات الفكـر تنسـج قوافيهـا
ترى يا صحيب الحرف ما للقصيد عنـان=جمـوح القصايـد للثـريـا موديـهـا
و ازور الجدي وسهيل و ادور في الاكوان=لكن النجوم الساريه ما اقـدر احصيهـا
لعله تبسم خاطـر الصاحـب العمسـان=بعد ما انهمـر هتانهـا مـن مناشيهـا
ولعل النفيض اللي تناسف منـه غـدران=سقى له كبود من العطش بـان خافيهـا [/poem]

,
,,
,