في احد ايام رمضان قبل الماضي, كنت مرهق وتعبان ومحتاج أجازة لمدة 3 أيام ،،
فكرت اني اخذ عذر طبي ،، واتصلت على ولد خالي ( فهد ) ،، علشان يدبر لي طريقه ،، خصوصآ انه يملك حنّكه لا تظهر الا في (هيك) مواقف . :Icon29:
قال لي : انا اعرف واحد يشتغل في مستشفى [أسطون] بيزيّن الامور ،،
قلت له: تم تم تم
,رحت انا وياه للمستشفى يوم وصلنا ، دورنا خويه ما لقيناه ،، حاولنا في (كذا واحد) ،، يطلّع لنا عذر وتقرير طبي ،، لاكن للاسف .
كانوا متشددين بشكل غريب , طبعاً الندم خيّم على فهد وحس انه مآش ,
فجأه قال لي : ماعليك ياخالد , اعتبرني أنت !!
قلت له: كيف ؟, :sniper57:
قال :عطني بطاقة التأمين الطبي ؟
قلت: طيب بس انت وش بتسوي ؟
قال: ابنصرع واسوي نفسي مريض بشكل يروعهم
بس لاتضحك لين اعطيك التقرير بيدي هذي - وأشار بيده اليمنى على يده اليسرى - :Icon29:
[بصراحه جازت لي الفكرة لأني محتاج العذر , شوي الا فهد متمدد على الأرض ويشيلونه للأسعاف ]
[وأول الفال يمحطونه بأبرة في ( العضيدة ) والعضيدة هي: الهبره الموجوده في اعلى الذراع وعلى طرف الكتف]
فهد اندمج فالدور بشكل منتاز لدرجة ان الدكتور اهداه أبرة ثانيه في العضيدة ايضاً Icon21
أندمج فهد اكثر وأصبح لا مناص من اعطائه ابرة ثالثه ( ماهيب فالعضيده )
المهم بعد الأبر الثلاث (ما صرت اسمع صوت فهد ) :Icon29:
دخلت على الدكتور وقلت له: يا دكتور اعتقد ان ( خالد السيحاني ) ،، بعد الثلاث ابر هذي يحتاج لـ ثلاث ايام اجازه مرضيه
قال الدكتور : اعذرني لان الاسعاف ما يعطي اعذار طبيه
لاكن اقدر اعطيك (ورقة مراجعه) ، تراجع فيها العيادات الطبيه وهم بيعطونك اجازه يوم واحد فقط .
طلعت انا وفهد من المستشفى ~ انا اضحك وهو يتلوى من الوجع
وقبل لا انزله عند البيت وصيته أن الموضوع يبقى سر بيننا
وصلت البيت ونمت نوم عميق ،، ويوم جا فالليل اتصلت فيه لين دخت
ما رد علي ، مرت ثلاث ايام وانا اتصل فيه وهو ما يرد يوم سألت خالي
قال لي : فهد له ثلاث ايام وهو نايم ولا يداني احد يمسك (عضيدته ) :Icon29:
المشكله إن فهد أذا جانا في البيت وطلب شي مني ورفضت قال:
خالد هات اللي ابيه والا اوريهم عضيدتي - ويأشر بيده اليمنى على عضيدته اليسرى :Icon29: