بدون مقدمات .. متواضعه بين أيديكم ..!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يدور العمر والايام تمشي والضماير دين = وضميري مابسط كف العذر باقي عليه ديون
ديونه من عيوني لا بكت له عين جفت عين = وانا وين الدموع الي تخليني بدون عيون
بعد ماصار عمري يامشاري خمسه وعشرين = من القسوه ماعاد أميز الصاحي من المجنون
آعرف آبو وجه واحد لذا جاهل فـ .. ابو وجهين = لو إنه قام يبذل جهد في نيل الرضاء .. مالون ..!
يجامل ويتظاهر بالمحبه طيب وبعدين = انا ماداني الي يضحك الضحكه بدون سنون ..!
طبيعه فيّ لا جتني ضروفي في النهار الشين = أسلي خاطري واجاوب القمري بـ.. أرق لحون
أكّلف نفسي بنفسي وأغني للهوى بيتين = وانا ماني مثل بندر ولاني مثل ابن لعبون
ماهيم الا بعد ماحس بـ .. احساس الجفا والبين = وأغني بس من باب الغزل يعطي قصيدي لون
يخون الصمت وتزل القدم مابين حين وحين = بعد ماخانو الخلان حتى الصمت صار يخون
ماعاد استغرب الا شي واحد فـ .. العسر واللين = يباغتني وانا من حر مابي جاي له من دون
اي والله ضيقتي خلتني أكسر حاجز الروتين = تسريني وانا ماني من اللي لا فضوا يسرون
يقولون العرب لا ضاق صدرك ناظر السالين = وانا أقول العرب عن ضيق صدري ليتهم يدرون ..! [/poem]