,,
,,
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مل فكري من كثر مانظـم طـرق الحـروف=وملت أيـدي مـن كثـر ماتعانـق مكتبـي
ولو يطوف البيـت الأول خويّـه مايطـوف=أوزنه وآمر علـى الكـف بالحبـر أكتبـي
أكتبي والخوف والشـك للنـاس الضعـوف=ميـر أنـا دايـم طموحـي معلـق بشنبـي
منهجي منهج هل الطيب مرويـن السيـوف=وللعلـوم الغانمـه خـص ماقـل أحطـبـي
مير تل القلب مني غـلا خشـف الخشـوف=الغـزال اللـي وصوفـه دواي ومطلـبـي
شال قلبي من محله وأنـا عينـي تشـوف=قلت وش هالزين ثم قال صل علـى النبـي
قلت أنا / وش حيلت الشمس لاجاها الكسوف=عقب طال أحجاجهـا يـوم قالـت وشتبـي
قلت أنا / ياسيد البيض لفت الحـال لـوف=لـوف طيـرٍ لفـه اللـوح لـف ولفـبـي
كنت اللوم اللي يقول الحـلا للقلـب خـوف=لين زاد الخـوف فينـي وشوقـي وتعبـي
يوم شفت عيونك السود والرمش العطـوف=قمت أناديلـك بـلا شعـور رد وسـم بـي
وياغناتي كـان مديـت للوصـل الكفـوف=مـد لـك قلبـي فناجيـل حبـك وأشربـي
ولا بغيـت تصـد مانـي مرخـي للكتـوف=أعرف أن الحـظ ماجـاب لـي اللـي أبـي
ماعشقت الا هوى صورةٍ وسـط الرفـوف=مير خلي مهمـل الضيـق يسبينـي سبـي
وأن رفعـت الأبتسامـه وقـدرت الظـروف=أشهـد أنـك راح تبقـا مـعـاي قريّـبـي
وأن صدقت بعرفنـا مرحبـا كثـر الألـوف=وكثر كل اللـي بقولـه وعـدّي وأحسبـي
كثر من شاف القرايب / وربعه / والضيوف=وكثر شعب الشرق كلـه وشعـب المغربـي
وكثر كل أنواع الأشجار من كـل الصنـوف=وكثر حبـات الثـري مـع نجـومٍ تطربـي
وكثـر رقـمٍ لانهايـه لديـه ولا وقــوف=( يعني أحسب لين تعجز ومن يحسب غبي )
وكثر ضربات المدافـع وضربـات الدفـوف=وكثر مـن يقرالـه كتـاب واللـي يكتبـي
وكثر ملح البحر واللي من البحـر مغـروف=شيّبـي يانجمـة الصبـح منهـا شيّـبـي
صدفةٍ ماهيب صدفـه ولا مثـل الصـدوف=تجعـل الرجـل السنافـي يضيـق ويتعبـي
بالليـال الماضيـه ماحسبـنـا للحـسـوف=ولا هوى قلبي سوى وصف زينـك يالظبـي
لاتخيـرت الوصـل مرحبـا كثـر الألـوف=يعني أحسب لين تعجز ومن يحسـب غبـي [/poem]
|