الشمس غابت .. وحنّا ماوصلنا البحر
وآنا عيوني تحب الشمس وغيابهـا
أحيان محتاج أمتّع بالغيـاب النظـر
يمكن يسلّي عيـونٍ غابـوا أحبابهـا
الله ياذا الغياب المـرّ كـم يختصـر!
في داخلي ذكريات أموت ..وأحيابهـا
تهزّنـي ذكرياتـي وآتساقـط شعـر
وقوافل الحزن تاقف بي علـى بابهـا
والليل طفلٍ تربّى في عيـون السهـر
لاجله عيون السهارى حثّت ركابهـا
يظهر لعيني قمر.. ويغيب عنها قمـر
ماأحدٍ بقا بين جفن العين ..وأهدابهـا
إلاّ بقايـا سهـاد ..ودمـع ماينتظـر
صفحات الأحزان يكتبها ..ويقرابها !
إن قلت :أدوّر عـذر مالليالـي عـذر
لكن هذا الحظ ..والغيبات ..وأسبابها
ياتركي أحس في نفسي طراة العمـر
في روضةٍ بيـن منبرهـا ومحرابهـا
الله الله يا ابو الروائع
مبدع بحق وكل جديد يثبت احقيتك بالاسم الجميل
سعد واستمتعت بالنص الفاخر والله
محبتي ومتابعتي يا عجاب دائماً ياغالي
اخوك
|