السلام عليكم ورحمة الله وبركاته
خويطره لعلها تشفع بعد الغياب
المدح فالطيبّ يزودك نواميس = والا الردي مدحه ملام ومذمه
النعم كايد مار وين السناعيس = والوقت هذا كل يومٍ مطمه
اقفا بركب محرقيّن المحاميس = اللي منّول كل علمٍ تتمه
كسابة الثنتين كب الهداريس = في يوم لامبدى ولافيه ذمه
من يوم شاخ مروسين المراويس = ترفدبهم دنيا الطرب دون يمه
خبلٍ تجيك به النساء والابو هيس = ليته جلس مع زاهيات الازمه
وقتٍ يحيل شعيل وانتج به التيس = والحر حوّل واعتلى البوم قمه
العولمه طبٍ ماضد النقاريس = والكادر الطبي تولى المهمه