[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تلعب طرب وانا بنومي هواجيس=ماساهرك بالليل كثر الهمومي
اسهر الى نامت عيون الهداريس=وباليل اراعي ساهرات النجومي
اوجس بقلبي مثل صال المحاميس=الله يلوم اللي لحالي يلومي
اشوف عدلات الليالي معابيس=ولاحدٍ من الدنيا عظامه سلومي
تضحك وتخفي لك خفي الهناديس=تفطر لها يومٍ ويومٍ تصومي
اعمل وتلقى وافهم العلم بالقيس=دنياك لو زانت تراها نقومي
قالو ا جهلت وقلت جهلٍ بلاقيس= الجاهل اللي مايعرف اليمومي
من لايدوس الراي من قبل ماديس= عليه داسوه العيال القرومي
ومن لايقلط شذرة السيف والكيس= تبدي عليه من الليالي ثلومي
ومن لاخذ الدنيا بميزٍ وتقييس = مثل الذي يسبح ببحرٍ يعومي
والقصر مايبنا على غير تاسيس = ومن لاتعلم ماتسر العلومي
الياتوافق مشور السو وبليس =تبر منه وعز ربي يدومي
وذا اختلط بالكون عج الملابيس= المسعد اللي حظ ربعه يقومي
كل القلم من كتبنا بالقراطيس = وركابنا من كثر الادلاج تومي
ولاخير في كثر الحكا والتماليس = وهرجٍ بلا فعلٍ يجيبه وهومي
والعز فوق معسكرات السواديس = اليا قصدت اللي بالاشياء رحومي
قباً تنازا بالنشاما كراديس = والطير في روجاتهنه يحومي
حنا ندور للفخر والنواميس = ونمشي بجرة صاملين العزومي
باليل اصالي حاميات المحاميس = والصبح اطارد كل قباً قحومي
اربع سنين ودمع عيني لاماريس =والعين تسهر كن فيها هزومي
اليا ركبت معالاجات المضاريس=يبرد على قلبي لهيب السمومي
صوابنا بلميل عمقاً ليا قيس = وطريحنا في مثبره ما يقومي
واقفن بنا مثل النعام المماريس=لاخف عجلٍ مع رقاق الحزومي
استلحق اللي يطلبون النواميس=اللي من الاقصين وادنا اللحومي
أن جن بالميدان مثل الدواويس = وطار الغطا عن حانيات الرقومي
عرجنٍ باهلهن كنهن القرانيس = عند الطريح مصوبراتٍ كضومي
لومي على اللي ينقلون العبابيس = واهل الفرنج وكل رامٍ لحومي
وشلفٍ تركب بالعروق المناسيس = وقحص الماهر وكل قباً قحومي
اذا سمك عج الرمك بالملابيس = وتعاقبوا من فوقهن السهومي
والشيخ من يعطي الفقارا المفاليس = عساه فالدنيا بعزٍ يقومي
والحر لادبت عليه النواميس = اذا اعترض جول الحباري صرومي
واذا اقترب من بعض الاشيا سبابيس = اعزم ولابد الفرج فالعزومي
ثوب الفرج لبسك نضيف الملابيس = ينجيك بايام الكرب والزحومي
يجلي صدا قلبي ضبيح المهاريس=لاقام شراب الحشايش يعومي
ودلال فوق النار دايم محابيس = اكرامهن حقٍ علينا لزومي
من صنعة الصبه وخمس التخاميس = بريةٍ يعمل بها كل يومي
وبهارها خمسٍ بليا دنافيس =كيفٍ يعدا للنشاما القرومي
عده لحماي العياد المراويس = والا الحصان اللي بقينه وهومي
حتى يزين النا الطرب والنواميس=والكيف طاب لمن يفك القحومي
وصلوا على سيد البريه بتدريس = صفوة قريش اللي مشا باللمومي
عد النبات وعد ذاري الطعاميس = وعداد مايمطر سحاب الغيومي[/poem]
هنا القصيدة عن طريق أحد المصادر الموثوقة
شرفني أخي الشاعر المرقابي / موسم سفر القثامي بجمعها
من هنا نزفّ له الثناء .. ونقدّم له باقات الشكر
|