عاد تراها في ذمة عفاس ,, والله يجملني معه ومعكمـ


[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


ياهاجسي كيف توعدني ولاتوفي = كثر المواعيد منها الكبد محترّه !!
ياكثر صبري عليك ومنك ياخوفي = ابا المسره لحالي وانته اتضره !
عنيت قلبي وعيني ضيّعت شوفي = لك وقت غايب ولااحد ٍ قص لك جره !
لو بالدراهم تجي .. سلّمت مصروفي = لكن ماكل مرّه تسلم الجره !
قلبك قسى .. واحترق من قسوته جوفي = ماكنه الا حصاة ٍ من حصى الحره !
وانكرت وقفاتي ولاشفت معروفي = واخلفت ضني وقلبي منك واشرّه !
وانا اللي امن العطا ماملّت اكفوفي = لله دري وحالي للعنا دره !
في جيّتك فخر لابياتي ولحروفي =وفي غيبتك كل حلوه طعمها مره !
غنيت بك واطربت من شعري صفوفي =وكونت مع مبدعين الشعر مغتره!!
ومن يوم ضاعت رماحي معك وسيوفي =عرضتني شرهة اللي قام يتشرّه !
يابو محمد من اجلك طوّل اوقوفي = لو هي سهالات لاكرّه ولافرّه !!
كم قافيه قلت لاجل اتمرني طوفي = ادوّر اللول والمرجان والدرّه !!
تقبّل اللي حصل والعذر مايوفي = (( حتى المعاذير منها الكبد محتره )) !!
واللي يمر ابضروف ٍ تشبه اضروفي = يايكتب الشعر .. والاّ يعتزل مررره ![/poem]

mrm@mergab.com