سلام عليكم

اسمحلي يا ابو محارب اتناقش مع ضابط خفر

البلا من تحت راسه .. بحث بحث بحث لين كلبشك



يا ضابط خفر وجهك غبر وش هالاخبار
ما عينت غير تقول مشعان مسجون

ترى ذا الخبر لاهوب طيب ولا سار
ياليتك لعنت ابليس وابليس ملعون

اشوف الاداره تنفخك وانت مزمار
امحق نفخةٍ تنفخ بها وامحق لحون

ما تدري انّ حبس الحيّ له عدة اضرار
يعوّر قلوب وروس ويبكّي عيون


وش ذنب المراقيب الطويله بماصار
لو انها تكلّم جاتكم تطلب العون

تحرمونها من طيرها اللي لها طار ؟
حكرتوه وسط المعتقل واظلم الكون

نصيحه مادام اسمك يعدّ من الاسرار
لا تكشفه ثم تعاقب وتطعم الشون




وسلامتك يابو محارب ولا يهونون الكرام
الله يفك اسرك بعد برهه