[poem=font="Courier New,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أهب يا وجهٍ تطيول على الدين= خطّا بالاربعة المذاهب واكلها
وده يميل راجحات الموازين= وان كان مالت من يعدّل ميلها
دفوه الاعداء في نحور البعارين= اللي تحمل رسالةٍ ما حملها
خبلٍ تلاعبّه فروخ الشياطين= وابليس جنده مخزٍ الله عملها
يوم المساجد عمروها المصلين= صلا صلاة البنت في بيت أهلها
واصبح يروج للاباحه عناوين= باقدام رجله جعل رجله شللها
مهوب جاهل مير اظنّه مسيكين= وملاطفه غي النفوس وجهلها
من سو حظه وهّقوه المعادين= وضيع مناهل علمه اللي نهلها
نسا نصوص الترمذي وابن سيرين= والشافعي والبيهقي واعتزلها
واصحاب سيرة معركة بدر وحنين= للدين كتب ما تعدّد اجملها
يبغى بيوت الله مزار الميامين= تهجر ويبغى البيض ترمي خجلها
ما يدري انا للمأذن ملبين= وستر العذارا في مواطن احللها
صون المحارم فوق سن القوانين= غيرة رجال وفي الشريعه مثلها
وصوت المنابر بارتفاع المواذين= يبري عن الكبد العليله اعللها
للي يخطّي في العقيده مخطّين= وسنة محمد ما ندوّر بدلها
من حط نفسه للمصائب كراعين=روس الجنائز في المقابر نشلها
يدس راسه ويتقمّص بوجهين= الدين اخذ شخصيته وانتحلها
احدث جريمه من وراها براثين= مهيب غلطه لجل ندمح زللها
هذا ومثله ما يثمن بقرشين= نقطة نجاسة ثوب شخص وغسلها
خلوه منا ياخذ الدرس تلقين= بكره مرده للجحيم ونكلها
اهل العقيده ذوقوه الامرين= ومخططاته بين الله فشلها
وجهٍ يهبّاء ويهباء نهجه الشين= وعليه بقى قام يدرج عجلها


[/poem]