|
(شارع فلسطين).!
نصّ متواضع..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مسّيت باالخير ياشارع فلسطين=عقب البطا جيت لك طلاب حاجه
عرفتني والا ماعرفتني زين=ياحضن ذكرى الملاقى والمواجه
أدري يمرّك من العالم ملايين=لكنّ قلبي تعرفه من خلاجه
أنا.. أنا العاشق اللي قبل عامين=أسجّ بك مع غلا قلبي وتاجه
كنت أحسب إنّي لو أبعد وآخذ سنين=لقيت فاالبعد للقلب إنفرآجه
لكنّ عوّدت أردّ الدين باالدين=والقلب فاالبعد ماحصّل علاجه
واليوم طوّل إخطايه ليل الإثنين=جيتك وقلبي معلّق في سياجه
مع كلّ إشاره ماألدّ يسار ويمين=الا أشعر القلب يزداد إرتهاجه
ذكرى مواقف غرامٍ حدّه البين=لكنّ لازال في قلبي حراجه
كنّا بكسر الظروف الصمّ شرهين=ونهدّد الوقت مانتبع مزاجه
نكتب حروف أسامينا وسط قلبين=والسّهم يعلن عليها الإندماجه
علّقتها في جبين الوقت حرفين=لكن دفنها تحت عقدة حجاجه
واليوم وين القلوب وحبنا وين=كلٍ على الثاني يحطّ إحتجاجه
لكنّ باالله ياشارع فلسطين=سلّم عليه وتعذّر له وناجه
والله ماتمحى حركاته من العين=لو نجد يملى عيوني من عجاجه
عساه يعيش في عيشة سلاطين=وإن مات في جنّة الخلد إبتهاجه
تراه مسموح فاالدنيا وفاالدين=لو سنّي أموت ماشيف إنبلاجه[/poem]
وسلآمتكم..
|