اقلامنا تنزف ولا تقدر البوح
..................... خوف الفشل / ولا تخآف الملامه؟.
سؤال يبقى له جواب / خطاء يعالج بالصواب / والوقت لو كشر بناب
قلنا على الدنيا السلام .
هاذي بداية قصتي / بكشف معالم رحلتي / من مهجتي لـ , مهجتي
لو طارت اسراب الحمام
احتاج لك / واحتاج ابوح /واكشف معالم هالجروح /وابني على شانك صروح
ما اخشى خفافيش الظلام
بشر ما نيب اية بشر/ يكتب على شان النشر/لو ترجع اسنيني عشر
عيني على حد الغمام
اعيش بشعوري وحيد /ما مرني ساعي بريد / نبض الوريد اليا الوريد
اشد من ضرب السهام
اسيّل ادموع القلم / واخفي الم / واظّهر الم /بالشوق لا رفرف علم
لاآخر محطات الهيام
واترجم احساسي ورق / وانا على حد الغرق / كلي تعب كلي ارق .
والهم في صدري ينام.
الضيق للصبر استباح /والصدر مل من الكفاح/.وليا اشرقت شمس الصباح
طير الهوى بالجو حام.
الليل يسكني وانا / اتنفسه هم وعنا /والبرق لا جاله سنا
في مهجتي طال الكلام .
اضيع في بحر الهوى/ واصبر على بعد النوى / واخذ من طيوفك دوى
واكتبك يا بدر التمام
ارسم ملا مح ضحكتّك / وامسح واعاتب دمعتّك /من خوف تطفي شمعتّك
ترجع تحملني ملام
فيني من الايام خوف / دايم تهددني الضروف / متى عيوني لك تشوف
لو كان عامٍ بعد عام..
لا صار برقك في حشاء الصدر له ضوح
................... حطيت بطراف الورق لك علامه
|