يالطروش اللي تودون الرسايـل
كان معكم في مواصلها وسيلـه
بشروها ان الحجاز ونجد سايـل
والجنوب اللي يجيه يعد سيلـه
والشمال طريف وسكاكا وحايـل
أصبحت ريضانها مثل الخميلـه
ليتها تمطر بهـا غـر المخايـل
في وطنها بعد غيبتها الطويلـه
مهرة ٍ تفرق عن الخيل الاصايل
بالوصوف وغير هذا ارقى فصيله
لو يطول غيابها بيـن النحايـل
في قفص صدري لها بيت وقبيله
من فؤادي حبها ماهـوب زايـل
الله يزيـده ثبـات ولا يزيـلـه
أتعب أتعب لجل وافية الخصايـل
ما يناسب ذوقي الآ المستحيلـه
دانة ٍ من دونها أمواج وهوايـل
درة ٍ فـي حقهـا الـدره قليلـه
مجد أهلها في تواريـخ الأوايـل
صفحته عنوانها عـز وفضيلـه
بلغوها يـا مناديـب الرسايـل
مال قلبي بعـد غيبتهـا عقيلـه
الله الله يبو راجح
دُررره
صح لسآنك وإعجابي الذي لا حدود له
/
أخوك / فيحان
|