[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدلل ياشبيه الريم فـي جيـد وعيـون اوسـاع=غزال ٍ ماجفـل لـو ينظـر القنّـاص وسلاحـه
ليا منك مشيتي وسط روض يفز عشـب القـاع=تراقص لك زهوره والخزامـى تصيـر فواحـه
وليا منك مشيتي في جليـدٍ حـدر رجلـك مـاع=حرارة جوّ مـن مشيـك عليـه تغيّـر ارياحـه
وليا منك بديتـي ليـل داجـي بـدّل الاوضـاع=تحوّل من سنا خـدك نهـار وتختفـي اشباحـه
ليا اشرتي إشاره بصبعـك راع الحكـي يرتـاع=ولو يقرب منك شعره خطفـه الصقـر بجناحـه
هلمّي وارسلي صوت القوافي والقصيـد اتبـاع=على مرئى العيون البّسك تاجـه مـع وشاحـه
يجيه من المزن ودان يحيي كل غصـن بسـاع=ولا فكرت في من يلتفـت فـي يـده مسباحـه
اجاوب للرعـد صوتـه واقـاوم برقـه اللمّـاع=سقيت الـوادي العطشـان والقيفـان نضّاحـه
جمعت الابجديّـه فـي يـدي واعـد بالاصبـاع=واعاند بالحقـوق وبالشهـود احقـق افراحـه
عطيتك عهد يبقى العهد لو طال الزمن ما ضـاع=لاماري بك ليا اكتالـوا وازود الكيـل بإرجاحـه
ليا قالوا غرور اقـول للمغـرور عقلـي طـاع=وش اجاوب على من ينشد القيفان ف/ الساحه ؟ [/poem]
|