[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالطروش اللي تودون الرسايـل=كان معكم في مواصلها وسيلـه
بشروها ان الحجاز ونجد سايـل=والجنوب اللي يجيه يعد سيلـه
والشمال طريف وسكاكا وحايـل=أصبحت ريضانها مثل الخميلـه
ليتها تمطر بهـا غـر المخايـل=في وطنها بعد غيبتها الطويلـه
مهرة ٍ تفرق عن الخيل الاصايل=بالوصوف وغير هذا ارقى فصيله
لو يطول غيابها بيـن النحايـل=في قفص صدري لها بيت وقبيله
من فؤادي حبها ماهـوب زايـل=الله يزيـده ثبـات ولا يزيـلـه
أتعب أتعب لجل وافية الخصايـل=ما يناسب ذوقي الآ المستحيلـه
دانة ٍ من دونها أمواج وهوايـل=درة ٍ فـي حقهـا الـدره قليلـه
مجد أهلها في تواريـخ الأوايـل=صفحته عنوانها عـز وفضيلـه
بلغوها يـا مناديـب الرسايـل=مال قلبي بعـد غيبتهـا عقيلـه[/poem]