[rplayer]http://www.3mlag.com/albladi/ryahi-mzaynbgom2.RA[/rplayer]





[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سلام ياعزوتـي منـي سـلام=تستاهلـون الغـلا و الإحتـرام
ربعي ذرى الجنب يانعم الـذرى = مال المواقيـف غيـر رجالهـا
وأرفـع سـلام القبيلـه كلهـا = لأغلى وطـن مهجتـي يحتلهـا
حب الوطـن فالقلـوب معمـرا = مال المواقيـف غيـر رجالهـا
إمزايـن البـل رفـع مقدارهـا = لعلهـم يكـثـرون أنصـارهـا
أعز ثروه علـى وجـه الثـرى = مال المواقيـف غيـر رجالهـا
حان المزاين ياصبيـان البقـوم = ياهل المواقف قوييـن العـزوم
ميعادنـا قـدم مانـرجـع ورى = مال المواقيـف غيـر رجالهـا
إمزاين البل رسمنـا لـه وعـد = وليا رسمنا الوعد ماغاب أحـد
اللي درى يخبر اللـي مـادرى = مال المواقيـف غيـر رجالهـا
فينا التعاون وعشق الطايـلات = وليا إجتمعنا صنعنا المعجـزات
إبليس مابـاع فينـا وإشتـرى = مال المواقيـف غيـر رجالهـا
شيوخنا رايهـم سـوى سـوى = وشعارنـا شعـرهـم دوى دوى
وتاريخنـا فالكتـاب مسـطـر ا= مال المواقيـف غيـر رجالهـا
سيرة بطـولات وإنجـازٍ فريـد = دون تربه قلعـة المجـد التليـد
من تحت رضوان لا رأس القـرا = مال المواقيـف غيـر رجالهـا
فرساننا تنطح الجمـع المخيـف = حملات الأتراك وجيوش الشريف
سالت رياحيـن بالـدم أحمـرا = مال المواقيـف غيـر رجالهـا
أحب ربعـي وأضحـي لجلهـم = أنشر فخرهم وأمـاري بإبلهـم
لاإلــه إلا الله والله أكـبــرا = مال المواقيـف غيـر رجالهـا
حنا قبايل واهل غـرس ومـدر = وأهل مجاهيم ومغاتيـر وصفـر
فرسانهـا كـل مـارد البـرى = مال المواقيـف غيـر رجالهـا
البل عطايـا الله اللـي زانهـا = تاخذ من لون السحاب الوانهـا
حـلال قـاده وسـاده وأومـرا = مال المواقيـف غيـر رجالهـا
الله ذكرها لهـا خلـق عجيـب = سفن الصحاري موديت الغريـب
ياماجـرى فوقهـا يامـاجـرى = مال المواقيـف غيـر رجالهـا
حنـا إحتفظنـا بهـا ونحبهـا = وبعض العرب يوم غفّـل كبهـا
مـن لاقنوهـا يعـدَون فـقـر ا= مال المواقيـف غيـر رجالهـا
سودٍ ليا شفتها مثـل الهضـاب = هزع الغوارب طويلات الرقـاب
لعلـهـا مايـراهـا الأقـشـرا = مال المواقيـف غيـر رجالهـا
والوضح عشاقهـا مايسمعـون = يازينها كنهـا بيـض المـزون
ولا البرد مـن سحابـه لمطـرا = مال المواقيـف غيـر رجالهـا
والشعل مثل الشفق عند الغروب = ولا الذهب يجذب القلب الطروب
حـلال بـدوٍ عـوارف وخبـرا = مال المواقيـف غيـر رجالهـا
والصفر يازين سمـك شعافهـا = محلى التمشـاي فـي طرافهـا
وصفتهـا مثـل لـون العنبـرا = مال المواقيـف غيـر رجالهـا
تجسر بنا كل ماطاح السحـاب = تحت الثميدي وسلات الحـراب
نرعى بها ديـرة القـوم جهـرا = مال المواقيـف غيـر رجالهـا
قدام نعط الـولاء لبـن سعـود = اللي تخاضع له رقـاب الأسـود
عبد العزيـز الزعيـم الأكبـرا = مال المواقيـف غيـر رجالهـا
من يوم طب الرياض من الكويت = حل الرضى والهناء في كل بيت
حظه مخاويـه يومنـه سـرى = مال المواقيـف غيـر رجالهـا
اليـوم حنـا جنـودك ياوطـن = حب الوطن والملك فينـا سكـن
رفرف طرب ياعلمنا الأخضـرا = مال المواقيـف غيـر رجالهـا


[/poem]



يامال الجنه يابو بدر